London qalasynda ótetin jeńil atletıkadan XVI álem chempıonatyna qansha sportshy qatysatyny belgili boldy, dep habarlaıdy QazAqparat.
Álemdik dodaǵa 205 elden 2034 sportshy qatysady. Al sońǵy ret 2015 jyly Qytaı astanasy Beıjińde ótken chempıonatqa 207 elden 1936 atlet qatysqan. IAAF resmı túrde sportshylardyń tolyq hattamasyn 3 tamyz kúni jarııalamaq.
Aıta keteıik, atalǵan álemdik dodada Qazaqstan namysyn 13 sportshy qorǵaıdy. Olar - Olga Rypakova, Marııa Ovchınnıkova (ekeýi de - úsh qarǵyp sekirý), Vıktorııa Zıabkına (200 metr jáne 4h100 metrge estafetalyq júgirý), Polına Repına, Georgıı Sheıko, Regına Rykova, Dıana Aıdosova ( bári de - 20 shaqyrymǵa sporttyq júris), Elena Nanazıashvılı (marafon), Olga Safronova, Iýlııa Rahmanova, Rıma Kashafýtdınova, Svetlana Golendova, Anastasııa Týlapına (bári de - 4h100 estafetalyq júgirý).