Qalalyq Jolaýshylar tasymaly kóligi men avtomobıl joldary basqarmasynyń basshysy Maqsut Isahovtyń aıtýynsha, bıyl Almatyda avtobýs jolaǵy Altynsarın men Qabdolov kóshelerinde paıda bolady.
«Tamyz aıynyń sońyna deıin Altynsarın men Qabdolov kóshelerinde avtobýs jolaqtary salynady. Osylaısha bul kósheler avtobýs jolaqtary bar Tóle bı, Abaı, Raıymbek kóshelerin ózara baılanystyratyn bolady. Osylaısha buryn avtobýs jolaǵynyń jalpy uzyndyǵy 85 shaqyrym bolsa, bıyl 93 shaqyrym bolady, ıaǵnı 7,1 shaqyrymǵa uzarady», - dedi M.Isahov.
Sondaı-aq, onyń aıtýynsha, Almatyda qyrkúıekte birqatar kóshelerde kólik qozǵalysy birjaqty baǵytqa aýystyrylady.
Shevchenko kóshesiniń boıynda Dostyq dańǵylynan Jarokov kóshesine deıingi aýmaqta tramvaı relsteri alynyp tastalǵan soń, joldar ortasha aǵymdaǵy jóndeýden ótedi jáne batys baǵytqa qaraı kólikter qozǵalysy birjaqty bolady.
Qurmanǵazy kóshesi boıynda Muqanov kóshesinen Dostyq dańǵylyna deıingi ýchaskede jóndeý jumystary aıaqtalǵan soń, shyǵys baǵytta birjaqty kólik qozǵalysy jasalady.