Sondaı-aq ındýstrııaldy-ınnovasııalyq damý baǵdarlamasy boıynsha kásipkerlikti qoldaý kartasy aıasynda oblysymyzda jalpy quny 208 mlrd.teńgeni quraıtyn 162 joba iske qosylyp otyr. Bul óz kezeginde 13,5 myń jańa jumys ornyn ashýǵa múmkindik berdi.
Budan bólek, óńirde bıylǵy jyly 37,1 mlrd. teńgeni quraıtyn 17 jobany iske qosý kózdelse, búgingi tańda quny 37 mıllıard teńgeni quraıtyn 3 zaýyt óz jumysyn bastap ketti.
«Júzege asqan jobanyń biri - Shymkent qalasyndaǵy vaflı óndirý fabrıkasy. Munda jylyna 1700 tonna ónim óndirý kózdelip otyr. Ekinshi joba - «Azııa agro» JShS-ni Otyrar aýdanynda júgeri óńdeý isin qolǵa alyp otyr. Úshinshi joba - Sozaq aýdanynda ýran óndirisine arnalǵan polıetılen shyǵaratyn zaýyt óz jumysyn bastap jiberdi», - deıdi oblystyq kásipkerlik, ındýstrıaldy - ınnovasııalyq damý jáne týrızm basqarmasynyń basshysy Batyrhan Qurmanseıit.
Jalpy oblysymyz ınvestısııaǵa tartymdy óńir bolyp tabylady. Ázirge ınvestısııa tartý boıynsha Shymkent qalasy, Otyrar, Tólebı, Saryaǵash aýdandary kósh bastaǵan.
Investorlardyń qyzyǵýshylyq tanytyp otyrǵan salalary farmasevtıka toqyma óndirisi, jeńil ónerkásip jáne aýyl sharýashylyǵyndaǵy qaıta óńdeý ónerkásibi bolyp tur.
Budan bólek, mashına jasaý, týrızm, "Aqyldy qala" salalary boıynsha yntymaqtastyq ornatý, tájirıbe almasý maqsatynda Germanııa, Ulybrıtanııa, Grýzııa, Ispanııa, Italııa, Túrkııa, Reseı jáne t.b. memleketterine resmı saparlar josparlanýda. Mundaı sharalar óńirimizdiń ınvestısııalyq múmkindikterin tanystyryp, jańa áriptestik qatynas ornatýǵa jol ashady.
Osydan 5 jyl buryn óńirimizde shaǵyn jáne orta bıznes sýbektileriniń sany 120 myń bolsa, sońǵy 5 jylda bul kórsetkish kóbeıip, 176 684-ke jetip otyr. Al, osy salaǵa ınvestısııa tartý boıynsha oblysymyz respýblıkada aldyńǵy orynǵa shyqty. Jalpy oblys ekonomıkasyna 2016 jyly 380,6 mlrd.teńge ınvestısııa tartylǵan.