Birinshi medısınalyq kómek kórsetý, «Vızıt kartochkasy» kórsetilimi, qabyrǵa gazeti men top basshylary saıysy boıynsha qutqarýshylar synǵa tústi. Sonymen birge jaýyngerlik qanat jaıý, tabıǵı orta jaǵdaıynda qutqarý-izdestirý jumystary, sý aıdyndarynda qutqarý jumystary boıynsha óz sheberlikterin kórsetti.
Jarys qorytyndysy boıynsha Abaı aýdanynyń jas qutqarýshylar qurama komandasy «Vızıt kartochkasy» saıysynda jáne kapıtandar saıysynda sátti óner kórsetip, júldeli 3-shi orynǵa ıe boldy. Buhar-jyraý aýdanynyń atynan qatysqan komanda «Jaýyngerlik qanat jaıý» qashyqtyqta jáne «Tabıǵı orta jaǵdaıyndaǵy izdestirý-qutqarý jumystary» kezinde birinshi oryn alyp, sonymen qatar kapıtandar saıysynda, barlyq jarystyń qorytyndysy boıynsha jalpykomandalyq 2 oryndy ıeledi. «Fakel» saýyqtyrý legeriniń quramasy «sý akvatorııasy qutqarý jumystary» qashyqtyǵynda, qabyrǵa gazeti saıysynda, kapıtandar saıysynda birinshi oryn alyp, barlyq jarystardyń qorytyndysy boıynsha «Jas qutqarýshylar» oblystyq jarysynda jeńimpaz atandy.
Jarystyń qorytyndysy boıynsha barlyq qatysýshylarǵa alǵys hattar, dıplomdar, estelik syılyqtar jáne medaldar tabys etildi, al jeńimpaz komandaǵa jeńis kýbogy tabystaldy. Jeńiske degen jigeri úshin, júldeli oryndarǵa ıe bolǵan komandalarǵa yntalandyrý syılyqtary berildi. Sonymen qatar jekelegen kezeńderinde júldeli oryndarǵa ıe bolǵan komandalar alǵys hattarmen madaqtaldy.