Ortalyq kommýnıkasııalar qyzmeti alańynda «Memlekettik rámizder maqtanyshym!» jáne «Máńgilik el – muratym!» taqyrybyndaǵy QR memlekettik rámizderiniń 25 jyldyǵyna arnalǵan Astana qalalyq jas aqyndar arasyndaǵy músháırasy jóninde baspasóz konferensııasy ótti.
Aqyn Qalqaman Sarın men Astana qalasy ákimdiginiń jastar saıasaty máseleleri basqarmasynyń basshysy Ashat Oralovtyń qatysýymen ótken konfersııada músháıra maqsaty men sharttary aıtylyp, jýrnalıster tarapynan qoıylǵan ózge de saýaldarǵa jaýap berildi.
Qazylar alqasynyń quramy aldyn ala jarııalanbaıtyny, aqyndardyń búrkenshik atpen qatysatyny týraly aıtqan Ashat Oralov, «bul músháıra tastúlek talant, shyn júırikti anyqtaıdy, barynsha ádil ótedi», - dep otyr.
Al, aqyn Qalqaman Sarın: «Táýelsizdik kezeńinde ádebıetke kelgen aqyndardyń azattyqty jyrlamaǵany joq shyǵar, ár kim ár qyrynan ózinshe jáne ózgeshe órnekpen jaza bildi. Al, Táýelsizdik tusynda ómirge kelgen jastar qalaı jyrlaıdy eken? Táýelsiz elde dúnıege kelip, azat sanamen eseıgen urpaqtyń óleńi qalaı óriledi? Sony kórgimiz keledi. Árıne, olar buǵan deıin de jazyp júr ǵoı, biraq, bul músháıranyń taqyryby aýyrlaý, talaby da jeńil emes. Naǵyz Táýelsizdik jemisiniń jyrlaryna kýá bolamyz dep úmittenemiz», - dedi.
Músháıraǵa 14 – 29 aralyǵyndaǵy jas aqyndar qatysa alady.
Músháıra jeńimpazdary I, II jáne III dárejeli dıplomdarmen jáne Astana qalasynyń Jastar saıasaty máseleleri basqarmasynyń aqshalaı syılyǵymen marapattalady. I oryn – bireý (300 000 tg), II oryn – ekeý (200 000 tg), III oryn – úsheý (100 000 tg), arnaıy júlde – tórteý (50 000 tg).
О́tinimderdi qabyldaý 2017 jyldyń 5 tamyzy men 5 qyrkúıek aralyǵynda júriledi. Meken-jaıy: Astana qalasy, Dostyq kóshesi 13, 214 kabınet nemese bm_30@mail.ru elektrondy poshtasy.
Sóıtip, besigenen bodandyq belgisin kórmeı ósken jas óskin aqyndar Táýelsiz eldiń memlekettik rámizderine degen júrek lúpilin poezııa tilinde jetkizip, máńgilik el muratyn jyrǵa qosady. Jyr báıgeli bolsyn jas aqyndar!
Aıtpaqshy, konfersııada alǵashqy 25 aqynnyń óleńi kitap bolyp qurastyrylatyny, Astanadan ózge qalalardan qatysqysy keletinder de ótinim berýine bolatyny týraly aıtyldy.
Ularbek NURǴALYMULY
«Egemen Qazaqstan»