Atalǵan shara bıylǵy oqý jylynda «Meniń tańdaýym - balalarǵa kómek kórsetý» uranymen ótedi. Osy jyldyń tamyz jáne qyrkúıek aılarynda uıymdastyrylatyn sharanyń maqsaty - az qamtylǵan jáne kóp balaly otbasylar, jetim balalar men ata-anasynyń qamqorlyǵynsyz qalǵan balalar ishinen oqýshylarǵa jańa oqý jylyna daıyndyq kezeńinde kómek kórsetý jáne áleýmettik sebepter boıynsha balalardyń mektepke barmaýynyń aldyn alý.
Respýblıkalyq «Mektepke jol» aksııasyna barlyq deńgeıdegi mekeme basshylary, aýdan ákimderi, kásipker azamattar, memlekettik qyzmetkerler, úkimettik emes uıymdar, aýdandyq, qalalyq bilim bólimderi, sondaı-aq, mektep basshylary atsalysa alady.
Eske sala ketsek, ótken 2016 jyly osy aksııany ótkizý nátıjesinde 18510 balaǵa materıaldyq kómek berilgen-di. Onyń ishinde, 10096 balaǵa bıýdjet qarajaty esebinen, qalǵan 8414 balaǵa bıýdjetten tys demeýshiler qarajaty esebinen materıaldyq kómek kórsetildi. Oblys boıynsha materıaldyq kómek alǵan balalarǵa jalpy 197 mln 414 myń teńge soma kóleminde qarjy jumsaldy. Onyń 134 mln 687 myń teńgesi bıýdjet esebinen bolsa, 62 mln 727,9 myń teńge somasy bıýdjetten tys demeýshiler esebinen berildi.
Jalpy, «Mektepke jol» aksııasy uıymdastyrylǵan 9 jyl ishinde respýblıka boıynsha 2 mln-nan astam balaǵa jalpy somasy 15 mlrd teńgeniń materıaldyq kómegi kórsetildi. Jyl saıynǵy ótkizilip jatqan osynaý sharaǵa demeýshiler men mesenattar tarapynan kórsetilgen kómekter men qoldaýlardyń úlesi zor.