Búgin Úkimet úıinde QR Premer-Mınıstri Baqytjan Saǵyntaev Halyqaralyq azamattyq avıasııa uıymynyń (IKAO) Bas hatshysy doktor Fan Lıýmen kezdesti, dep habarlaıdy primeminister.kz.
Kezdesý barysynda áýejaı ınfraqurylymyn damytý jáne ushý qaýipsizdigimen qamtamasyz etý deńgeıin arttyrý máseleleri talqylandy. «100 naqty qadam» Ult josparynda kórsetilgen bastamalardy iske asyrýǵa erekshe kóńil bólindi.
Aıta keterligi, IKAO-nyń basty maqsaty - memleketterge azamattyq avıasııa salasyndaǵy erejeler, standarttar, rásimderdiń birkelkiligine qol jetkizý úshin kómek kórsetý. Halyqaralyq uıym BUU-nyń osy salaǵa mamandandyrylǵan mekemesi.