Almatynyń birqatar kóshelerinde kólik qozǵalysy shekteledi, dep habarlaıdy QazAqparat agenttigi.
Mundaı qolaısyzdyqtar qala kóshelerindegi jylý qubyrlaryn qaıta jasaýǵa baılanysty týyndap otyr.
«Almaty jylý júıesi» JShS taratqan aqparatqa sáıkes, 4 tamyzda saǵat 23:00-den bastap 7 tamyz kúni tańǵy saǵat 6:00-ǵa deıin Naýryzbaı batyr kóshesi boıymen Tóle bı kóshesinen Áıteke bı kóshesine deıin,
- Tóle bı kóshesi boıymen B. Momyshuly kóshesinen Iаssaýı kóshesine deıin;
- Pýshkın kóshesi boıymen Raıymbek dańǵylynan M.Maqataev kóshesine deıin kólik qozǵalysy shekteledi.
«Almatynyń jylý júıesi torabynda apatty jaǵdaılardy boldyrmaý jáne olardyń aldyn alý úshin burynǵy eskirgen qubyrlar zamanaýı qubyrlarmen almastyrylyp, ınjenerlik júıeler qaıta jasalyp jatyr», - dep málim etti «Almaty jylý júıesi» JShS.