«Sebebi orta salmaqta meniń tájirıbem artyq. «Kanelo» bolsa, orta dıvızıonǵa endi qosylyp otyr. Iá, sońǵy eki jekpe-jekte ol jaqsy óner kórsetti. Alaıda men orta salmaqtaǵy naǵyz chempıonmyn. Saýldyń basqa qarsylastary sııaqty «baldyrǵan» emespin. Kishi Chavespen bolǵan jekpe-jekte «Kanelo» jaqsy bokstasty. Degenmen, Hýlıonyń qazirgi daıyndyǵy burynǵydaı emes. Men bolsam, chempıondyq jekpe-jekti qalaımyn. Ony nokaýtpen jeńgim keledi», - dedi Golovkın ESPN arnasyna bergen suhbatynda.
Onyń aıtýynsha, sońǵy eki-úsh jyldy Alvares tym kóp sóıleýmen ótkizdi. Golovkındi jekpe-jekke shaqyrdy da, ózi shyqpaı qoıdy. Sonyń saldarynan GGG-diń osy jekpe-jekke degen qyzyǵýshylyǵy tómendeı bastady. «Ondaı jaǵdaılar boksqa, jalpy sportqa keri áserin tıgizedi. Aldaǵy jekpe-jekte men ony jeńýge tyrysamyn. Sóıtip, boksqa degen burynǵy qurmetti, osy sporttyń dárejesin qaıtaramyn. Jeńiske jetip, óz belbeýlerimdi uzaqqa saqtaı alamyn dep senemin», - deıdi qazaqstandyq boksshy.