«Astana» - pelotondaǵy eń úlken jáne tanymal komandalardyń biri. Aldaǵy eki jylda bul jobada óner kórsetý men úshin úlken mártebe bolmaq. Sońǵy eki maýsymda ózimniń kásibı damý jolymda alǵa úlken qadam jasadym. «Astanada» da bul úrdisti jalǵastyra alamyn dep oılaımyn. «Astananyń» stıli men onyń «Grand-týrǵa» maqsatty tásili maǵan qatty unaıdy», - dedi Omar Fraıle.
Omar Fraıle (27-te) 2013 jyldan bastap kásibı deńgeıde óner kórsetip keledi. 2015 jylǵy maýsymda «Ispanııa Výeltasyn» jáne «Baskov elderi týrynda», sondaı-aq «Djıro dell'Appennıno» birkúndik jarysta jáne «Dıýnkerktiń tórt kúni» kezeńinde jeńiske jetip, alǵash ret óziniń myqty sportshy ekenin dáleldedi.
«Ol ózin kez kelgen taý jarysy kezeńinde senimdi sezinedi. Sonymen qatar komandalyq jarysta myqty býyn. Bul sportshyny baıaǵydan baqylap júrmiz, bıyl bizdi ol «Djıro d'Italııany» qalaı júrip ótkeni erekshe tańǵaldyrdy. Fraıle bizdiń komandada óz áleýetin tolyqtaı asha alatynyna senimdimin», - dedi «Astananyń» bas menedjeri Aleksandr Vınokýrov.