Pavlodar oblysynda «Týǵan jer» jobasy aıasyndaǵy «Mektebime taǵzym» aksııasy nátıjesinde óńir mektepteriniń 95 paıyzy qamtylyp, jalpy somasy 70 mln teńgeden astam qarajatqa kómek kórsetildi, dep habarlaıdy «Nur Otan» Pavlodar oblystyq fılıalynyń baspasóz qyzmeti.
Aksııa sheńberinde ár jyldary oqý oryndaryn támamdaǵan túlekter týǵan mektepterine kómek kórsetti. Mamyr aıynda óńirimizdegi aksııany ózi ashqan «Nur Otan» partııasy Pavlodar oblystyq fılıaly tóraǵasynyń birinshi orynbasary Ilıa Terenchenko Bilim kúni ózi támamdaǵan jalpy orta bilim berý №39 mektebine tolyqtaı jańa qurylǵylarmen jabdyqtalǵan, kúrdeli jóndeýden ótkizilgen mýzyka synybyn tartý etti. Aksııany Ilıa Terenchenkonyń synyptasy Damır Súıintaev qoldap, óz mektebine mýltımedııalyq qurylǵy men EPSON proektoryn syılady.
– Men Pavlodarda týyp-ósip, sizderdiń mektepterińizdi bitirdim. Qazirgi kezde ońtústik astanamyz – Almatyda turamyn, kásipkermin. О́z synyptasymnan «Mektebime taǵzym» aksııasy týraly estı sala, týǵan mektebime kelip kómek berýdi uıǵardym. Oqýshylar men muǵalimderdi Bilim kúnimen quttyqtaımyn!, - dedi Damır Súıintaev.
Mektep dırektory Elena Býlgakova Ilıa Terenchenko men Damır Súıintaevqa oqý ornynyń oqýshylary men muǵalimderiniń atynan alǵys bildirdi.
– Bizdiń mekteptiń túlekteriniń barlyǵy osy sizder sııaqty ómirde óz ornyn taýyp, Qazaqstannyń kórkeıýine úlesterin qossa deımin. Sizderge úlken rahmet, - dedi Elena Býlgakova.
«Mektebime taǵzym» jobasyn oblys aýdandary men qalalaryndaǵy ár jyldary mektepti támamdaǵan túlekter qoldady. Mysaly, oblystyq máslıhattyń hatshysy Vladımır Berkovskıı Kachır aýdanyndaǵy Beregovoe aýyldyq mektebine iri kólemde kómek kórsetti. Májilis depýtaty Meıram Pishembaev ózi bitirgen Maı aýdanyndaǵy Kóktóbe aýyly mektebine kompıýterlik synyp syılady.