Mynadaı damyǵan zamanda saýda naryǵyn elektrondy saýda alańynsyz elestetý múmkin emes. Sońǵy ýaqyttary bizdiń elimizde de bul júıe qarqyn alyp keledi.
Máselen, Qazaqstandyq ETS tobynyń jáne reseılik korparatıvtik elektrondyq satyp alý naryǵyndaǵy kóshbasshy kompanııa-V2V-Center-diń birlesken jobasy sanalatyn «ETS-Tender» Elektrondyq saýda alańy aǵymdaǵy jyldyń shilde aıynda ǵana jumys bastaǵan bolatyn. Qurylǵanyna az ýaqyt bolsa da kóp tabysqa qol jetkizgen jobanyń jetekshileri alańnyń alǵashqy jumys aıyndaǵy nátıjeleri jóninde áńgimelep berdi.
Júıeniń alǵashqy kúninen bastap sýsyndar men azyq-túlik ónimderiniń, medısınalyq zattardyń, telekommýnıkasııalyq jáne elektr jabdyǵynyń óndirýshileri, bank jáne qurylys salasyndaǵy kompanııalar jáne taǵy da basqa otandyq iri satyp alýshylar «ETS-Tender» alańynda jumys júrgizýge kirisken. Alańda jalpy somasy 300 mln. teńgeden astam satyp alý rásimderi jarııalanǵan. Qazirdiń ózinde júıede Qazaqstan, Reseı, Belarýs jáne Ýkraına syndy tórt elden 600-den asa jetkizýshi men tapsyrys berýshi tirkelip úlgergen. «Qysqa merzim ishinde osyndaı kórsetkishke jetý jańa joba úshin óte jaqsy nátıje. О́z jumysynda tıimdiliktiń jańa deńgeıine shyǵýǵa umtylatyn kommersııalyq tapsyrys berýshiler «ETS-Tenderge» úlken qyzyǵýshylyq baıqatýda. Biz «ETS-Tender» korparatıvtik satyp alý jáne satý salasyndaǵy Qazaqstandyq jetekshi alańǵa aınalady dep kózdep otyrmyz. О́ıtkeni bul alań kompanııalarǵa únemdeýge múmkindik berip qana qoımaı, sonymen birge, bıznes-úrdisterdi jetildirýge jaǵdaı jasap otyr», dep atap ótti V2V-Center kompanııasynyń dırektory Andreı Boıko.
– Úkimet Qazaqstandy sıfrleý júıesine aýystyrýǵa baǵyt alyp otyr, óıtkeni bul ekonomıkanyń tıimdiligin arttyrady. Bizdiń elektrondyq alań qazaqstandyq kompanııalardyń kúndelikti qoldanatyn bıznes-quralyna aınalady dep úmittenemiz jáne de ETS Tobynyń jalpy bazasyndaǵy basty jetkizýshiler men satyp alýshylardyń barlyǵy «ETS-Tender» júıesine tartylady dep kózdeımiz. Qazirgi tańda toptyń bazasynda 6300-den asa belsendi kompanııa tirkelgen – deıdi ETS saýda bırjasynyń basqarma tóraǵasy Qurmet Orazaev.
Atalǵan platformada baǵany tómendetýge arnalǵan dástúrli aýksıondardan bastap, kóptegen ólshemder boıynsha ótkiziletin satyp alý rásimderine deıingi korporatıvtik satyp alýlardyń barlyq túrlerin ótkizýge múmkindik berilgen. Sonymen qatar, taýarlar, atqarylatyn jumystar men qyzmetterdi avtomattandyrýǵa bolady. Jetkizýshiler men satyp alýshylar bazasyna ortaqtasa qoljetkizý arqasynda «ETS-Tenderge» qatysýshy qazaqstandyq kompanııalar alańnyń reseılik seriktesi –V2B-Center arqyly tikeleı reseılik jáne jahandyq naryqtarǵa kedergisiz shyǵa alady. Jyl sońyna deıin otandyq jetkizýshilerdi jáne Eýrazııa Odaǵyna múshe elderdiń jetkizýshilerin tarta otyryp, 250-den asa satyp alý rásimin ótkizý josparlanyp otyrǵan kórinedi.
Bir aıta keter jaıt, atalmysh saýda alańy otandyq jetkizýshiler men tapsyrys berýshilerge úzdiksiz oqytý is-sharalaryn ótkizýde. Qazirdiń ózinde kompanııanyń semınarlary men vebınarlaryna Astana, Almaty, Qaraǵandy, Atyraý, Shymkent, Petropavl, Pavlodar, Semeı, Rýdnyıdaǵy 200-den asa uıym qatysyp úlgergen.
Arman OKTIаBR, «Egemen Qazaqstan»
ALMATY