Ispanııa jerinde ótip jatqan «Výelta» velokópkúndiginde «Astana» komandasynyń eki birdeı shabandozy úzdik 10-qatarynda júr.
Mıgel Lopes pen Fabıo Arýdan bólek osy joly 25 jasqa tolǵan Alekseı Lýsenko da kózge tústi. Ol 18 kezeńde máre syzyǵyn ekinshi bolyp kesti. «Výeltanyń» 18-kezeńi birden qazaqstandyq shabandozdyń shabýylǵa shyǵýymen bastaldy. Á degennen áýdemjerge ozyp ketken Alekseı Lýsenko shyrmaýy kóp shyńǵa qaraı bet aldy. «Astana» komandasynyń sporttyq dırektory Dmıtrıı Sedýn bul jarysta shabýyldar sany kóp bolatynyn meńzegen edi. «Búgingi jarys sýrette qarapaıym kóringenimen, óte aýyr kezeń sanalady. Tegis jeri óte az. Burylys-qıylysy da jetip artylady. Sondyqtan da, mundaı jarys kúninde shabýyldar óte kóp bolady».
20 sportshydan turatyn aldyńǵy lek 10 mınýttan astam ýaqyt basymdylyq aldy. Lıderlik toptyń kósh basynda bolǵan Alekseı Lýsenko sońyna deıin shydaǵan eki shabandozdyń biri edi. Alaıda, sońǵy 600 metr qashyqtyq qalǵanda belgııalyq Sander Armıı otandasymyzdy artqa tastap, kezeń jeńimpazy atandy. Al Alekseı bolsa óz týǵan kúnine kúmis medal syılady. «Kúshti kóbirek shyǵyndap qoıǵanymdy baıqadym. Sońǵy 600 metr qalǵanda bir orynda turdym da qaldym. Aıaqta túk kúsh qalmapty. Degenmen, ekinshi orynnyń ózin de qanaǵat tutamyn. Bapkerler, komanda jetekshileri barlyǵy rıza bolyp jatyr», deıdi ol.
Búgin jarystyń 19-kezeńi ótetin bolady. Taýly aımaqta, taǵy da astanalyq shabandozdar qarsylastaryna shań qaptyrady dep senemiz.
Ermuhamed MÁÝLEN,
Ispanııadan arnaıy egemen.kz úshin