MENI KÚTIP TURǴAN SYNDY ELEŃDEP...
Kórkem gúl kórse qonaqtaı Kóbelek beker máz bopty. Bógelek qaqqan tory attaı, Bógelmeı ótip jaz ketti.
Taǵy bir jazǵa qysqardy, Talaısyz ǵumyr taryǵyp. Taǵdyr deıtuǵyn mystandy, Jibitken bar ma jalynyp.
Baq deıtin qusty qaıtaryp, Qondyrǵan bar ma qolyna. О́ser me gúlder jaıqalyp, Tikenek bitken jolyma.
Qol-aıaǵymdy teń shyrmap, Tóbemnen kári tónip quz. Qý mystan oınap, men shyndap, Talaı da jerge kelippiz.
Shynymen, tegi ótpeı me, Qarǵysy qaıda, qaıda ushty? «Sharshatsam, keshir» dep keıde, Aıap ta ketem baıǵusty.
О́mirzaıa ulmyn men de bir, Tózimi qurysh kóktemir, О́geı shesheniń órmegin Úze qashatyn jetpegir...
* * * Kóp boldy ǵoı – kórinbedi kún kózi, Aı da, kún de, juldyz da joq – bul ne ózi, Tabalap tur tasbaýyrlaý aǵasyn, Tabıǵattyń dúr kezi.
Shubar ala bult kóshedi shubap kil, Ýaı, ne deıdi, ne deıdi aspan, qulaq túr, Jańbyr emes, terezemniń syrtynda Meniń jalǵyz qaryndasym jylap tur.
Aspan jaqqa ketip qaldy sol bala, Izdep barsa taba alar ma sorly aǵa, Sorly aǵasy qalyp qoıdy jolda ana, Endi qaıtyp kórmesine qorlana.
Qalyp qoıdy soqyr, mylqaý, kereń bop, Aq qulynshaq kókem qashan keler dep, Jumaqqa da kirmeı, esik aldynda Meni kútip turǵan syndy eleńdep.
MYNA JAŃBYR QAShAN TOQTAIDY? 2012 jyly qarǵa jazylǵan sonet
Kóktem keshikti. Kóńil jabyrqaý. Kóktaıǵaq. Kóshe taldary – kókke qol jaıǵan kóp beıbaq. Kóp kerek emes, Almatyǵa da, maǵan da Sál ǵana meıirim, az ǵana shýaq jetpeıdi-aq.
Sharshańqy kóńil, shashyraǵan oı tarydaı, О́ter me ekenbiz jylylyqqa bir jarymaı. Qadekeń ketti, Tumaǵań ketti ótken jyl, Túsim bolsa eken osynyń bári, a, qudaı.
Dúnıe jańa edi, qalaısha jyldam kónerdi, Sen mundaı emes ediń ǵoı buryn, Almaty, Sen munsha sýyq emes ediń ǵoı, ne boldy?
Qosh deıtin kez de keledi-aý erteń fánıge Qınalmaı ólsem dep armandaısyń, qor bolmaı, Qınalmaı ólsem... (tap qazir emes, árıne).
* * * Ústirt barsań, dúzdi kór, Dúz degenim – qasqa bolǵan bizdiń el. Ústirt degen – oqıǵalar kerýeni, Oqýlyqqa kirmeı qalǵan siz biler.
«Qyzylásker jaqyn qaldy, taıady, á, Al, kes, inim, basymdy kes, aıama, Basymdy áket, dene qursyn, Basty áket! – Aqyrette kórisermiz, áı, aǵa».
Ini ketti, tiri ketti jas beren, Qudiretti ala ketti Bas degen. ...Qudyqqa aıttym bul tarıhty jasyryp, Talaı jyldar taýlarǵa aıttym tas kereń.
Ústirt degen – muz qursaǵan keń aımaq, Úskirigi bultty qýar keri aıdap. Bulttarǵa erip qańǵyp ketkim keledi, Jaraly aǵam jalǵyz qaldy-aý dep oılap.
E, sherli aımaq, sherli aımaq, Bul álemde jer bar ma eken sendeı naq. Jerleı almaı altyn basyn aǵanyń, Jelmen birge kóship júrgen men beıbaq.
* * * Beý, balalyq alǵaýsyz, Osy sózde bir qudiret bar daýsyz. Raýshan qyz jylap qaldy, obal-aı, Raýshan gúlin ustap alyp ańdaýsyz.
Gúl astynda tiken baryn bildirgen, Erteń qımaı qoshtasasyń bul kúnmen. Raýshan gúli mángi qalmaq jadyńda, Raýshan qyz, búldirgen.
Raýshan qyz, aınalaıyn aq bala, Eki kóziń qap-qara. Budan bylaı jan-jaǵyńa saq qara, Raýshan gúlin julma beker, taptama.
P.S. Taǵy da bir aıtarym, Raýshanov jazǵan jyrdy jattama, keregi joq, aınam!
Esenǵalı RAÝShANOV