Jańǵyrý isinde kásipodaqtardyń róli zor

Qazaqstan kásipodaqtary fede­ra­­sııasynyń tóraǵasy Ábilǵazy Qusaıynov qoǵamdyq sanany jań­ǵyrtýdyń negizgi basymdyǵy qa­zaqstandyqtardyń tabysty já­ne básekege qabiletti bolýy úshin óz-ózine synı kózqarastaryn qaı­­ta qaraýy qajettigin atap ót­­ti. Sonymen qatar, Elbasy Nur­­sultan Nazarbaevtyń «Bo­la­shaq­qa baǵdar: rýhanı jań­ǵy­rý» ma­qalasyn talqylaýǵa arnalǵan fo­rým jumysy tórt kúnge sozylatynyn jetkizdi.

«Qazir sózdiń emes, istiń zamany týdy. Elbasy atalǵan ma­qa­lada qaı jumysty qalaı atqarý ke­­r­ektigin, ony qalaı júzege asyr­­­ǵanda nátıjeli qorytyndy be­­retindigin atap kórsetti. Bas­qo­­sýǵa elimizdiń ǵana emes, she­te­l­­­den shaqyrylǵan sarapshylar da qatysyp otyr. Búgingi tań­­da kásipodaq quramynda 2 mıl­lıonǵa jýyq múshe bar. Olar­ǵa otyrysta ortaǵa salyn­ǵan oılardy tujyrymdap, jet­ki­zý – bizdiń mindetimiz», dedi Á.Qusaıynov. Sondaı-aq, ol kásipodaqtyń atqaratyn negizgi mindetterine jala­qyny ýaqytynda berýdi qam­tamasyz etý, jaqynda qabyl­dan­ǵan Eńbek kodeksiniń árbir babynyń oryndalýyn talqylaý, bir sózben aıtqanda, qarapaıym ha­­lyqtyń quqyǵyn qorǵaý ki­re­tin­digin baıandady.

Forýmda Reseı Fede­r­as­ııa­synyń ǵylymı qaýym­das­tyǵy aty­nan sóz sóılegen professor B.Tıtov: «Sanany jańǵyrtý – qa­zaqstandyqtardyń sanaly tań­daýy. Bul Qazaqstannyń adam ka­pıtaly damýynyń joǵarǵy ın­deksine ıe tabysty memleketter qatarynda bolýynyń basty sharty», dedi.

Basqosýǵa qatysýshylar áleý­­­mettik jańǵyrýdyń basty ny­­­­shany tehnologııalyq oılaý deń­­­­geıine sapaly kóshý, zaman ta­­­laptaryna sáıkes áleýmettik já­­­ne rýhanı uıymshyldyq, ja­ńa­­­shyldyqqa umtylý jáne bilim alý arqyly álem elderimen ál­eý­­­­­etimizdi teńestirý ekenin jet­­kiz­di. 

Kásipodaqtar federasııasy «Sanany jańǵyrtý» baǵ­dar­­lamasyn sapaly júzege asy­rý­­dyń mańyzdylyǵyn túsinip, ob­lystardaǵy kásipodaq bólim­she­lerinde túrli jıyn ótkizip, túsindirý toptaryn qurǵan. Uı­ym­­dastyrýshylardyń aıtýynsha, úsh kúnge sozylatyn forým aıasynda plenaralyq otyrys, semınar túrindegi seksııalyq trenıngter, «sanany jańǵyrtý» syndy jasampaz úderistegi kásipodaqtardyń róline baılanysty ózekti máselelerge arnalǵan pikirtalastar ótkizý josparlanǵan.

Raýan QAIDAR, «Egemen Qazaqstan»