Qarabalyq aýdanynyń turǵyny óz úıiniń jóndeý jumystary kezinde eden astynan 1942 jyly latyn qarpimen jazylǵan oqýshy dápterin taýyp aldy, dep habarlaıdy QazAqparat.
Rasynda, dápterdiń birneshe paraqtary ǵana saqtalǵan. Biraq, oqýshynyń qazaq tilinen synyptyq jáne úı jumysyn latyn áripterimen jazyp, ony orys tiline aýdarǵany anyq kórinedi. Muny tapqan Bekbolatovtar otbasy ólketaný murajaıyna júginedi.
«Qyrqynshy jyldary Qazaqstanda tek qana latyn álipbıi qoldanylǵan. Myna tabylǵan oqýshy dápteri sony aıǵaqtaıdy. 75 jyl turyp, edáýir shirip ketken. Degenmen, birneshe paraqtaryna qarap, toltyrylǵan datasy, muǵalim túzetken qatelerdi kórdik», - dedi ólketaný murajaıynyń dırektory Raýshan Isembaeva. Dápter tabylǵan úı týra 100 jyl buryn salynǵan.
Sonymen qatar Bekbolatovtar otbasy alpysynshy jyldarda shyǵarylǵan usaq monetalar taýyp alǵan.