EKSPO-2017 kórmesiniń 89-shy kúni kelýshiler sany kúrt ulǵaıdy.
EKSPO-nyń sońǵy kúnderi oryn alǵan mundaı qarbalastyń fotosýretteri QazAqparatta jarııalanǵan bolatyn. «Kórmeniń aıaqtalýyna bir kún qalǵanda, ıaǵnı 9 qyrkúıekte EKSPO-2017 halyqaralyq mamandandyrylǵan kórmesine 100 514 adam keldi. Salystyryp qarar bolsaq, Kórmeniń alǵashqy kúnderi orta eseppen kúnine 22 840 kelýshi tirkelgen edi», - dep jazdy «Astana EKSPO-2017» UK» AQ baspasóz qyzmeti.
Osylaısha, 10 maýsymnan 9 qyrkúıekke deıingi aralyqta EKSPO-2017 halyqaralyq mamandandyrylǵan kórmesine 3 860 000 adam kelgen.
Aıta keteıik, búgin EKSPO-2017 kórmesiniń jabylý saltanaty ótedi. Bul kúni kórme pavılondary túngi saǵat 3:00-ge deıin ashyq bolady. Bir ǵana ózgeshelik, resmı tulǵalardyń kelýine baılanysty kórme aımaǵy 19.00-den 22.00-ge deıin jabyq bolady. Al 22.00-de ońtústik pen batys jaqtaǵy kireberister qaıta ashylady. Amfıteatrdaǵy konserttik baǵdarlama 18:00-20:00 jáne 21:00-23:10 aralyǵynda uıymdastyrylady. Al kórme janyndaǵy kassalar 08:30-18:30 jáne 22:00-00:30 aralyǵynda isteıdi. Merekelik otshashý saǵat 21.15-te bolady.