«Qazgıdromet» RMK demalys kúnderine arnalǵan aýa raıyna boljam jasady.
Sınoptıkterdiń boljamynsha, senbi kúni respýblıkanyń batysy men soltústik aımaqtarynda kún salqyn ári ala bultty bolady, jańbyr jaýady.
Ońtústik óńirdiń basym bóliginde, ásirese taýly aımaqtarynda jaýyn-shashyn bolady. Tek batys, ońtústik-batys, soltústik-batys jáne soltústikte aýa raıy jaýyn-shashynsyz.
Respýblıkanyń keı jerlerinde jel kúsheıedi. Soltústik, ońtústik jáne ortalyqta keı jerlerde tuman bolady. Jambyl, Ońtústik Qazaqstan, Almaty, Shyǵys Qazaqstan oblystarynyń keı jerlerinde jeldiń kúshi 15-20, ekpini 23-28 m/s jetedi. Al Ońtústik Qazaqstanda tuman túsedi. Aqmola, Soltústik Qazaqstan, Qaraǵandy oblystarynyń keı jerlerinde tuman bolýy yqtımal, jeldiń kúshi 15-20 m/s-qa jetedi.
Qostanaı oblysynda jel 15-20 m/s-qa jetedi. Ońtústik Qazaqstan, Qyzylorda, Jambyl, Almaty, Qaraǵandy, Qostanaı, Aqtóbe, Batys Qazaqstan, Atyraý oblystarynyń keı jerlerinde óte joǵary órt qaýpi bar.