Sharaǵa memlekettik organdardyń, OQO ákimdiginiń basshylary, óńirler ákimderiniń orynbasarlary, salalyq qaýymdastyqtardyń ókilderi, jumyspen qamtý ortalyqtarynyń dırektorlary, UKP, úkimettik emes uıymdar jáne BAQ ókilderi qatysty. OQO ákimi Janseıit Túımebaev óńirde týrızmdi damytý taqyrybyndaǵy baıandamasymen tanystyrdy.
QR ulttyq ekonomıka mınıstri Tımýr Súleımenov QR Úkimetiniń elimizde kásipkerlikti damytý boıynsha atqaryp jatqan sharalary týraly baıandady. QR eńbek jáne halyqty áleýmettik qorǵaý mınıstri Tamara Dúısenova jumyspen qamtý jáne ishki kóshi-qondy yntalandyrý sharalary týraly baıandamasymen tanystyrdy.
QR bilim jáne ǵylym mınıstri Erlan Saǵadıev «Serpin» áleýmettik jobasyn iske asyrý týraly esebin usyndy. QR mádenıet jáne sport mınıstri Arystanbek Muhamedıuly týrıstik salany damytýdyń keleshegi men qazirgi syn-tegeýrinderi taqyrybynda sóz qozǵady. Keńes aıasynda «OQO týrızm ındýstrııasyn damytý ortalyǵy» qaýymdastyǵynyń prezıdenti Gúlmıra Ahberdıeva, BUU kóshi-qon agenttigi uıymynyń Ortalyq Azııa boıynsha úılestirýshisi Deıan Keserovıch, SQO ákiminiń orynbasary Asqar Saqypkereev, ShQO ákiminiń birinshi orynbasary Nurymbet Saqtaǵanov, sondaı-aq, Ońtústik Qazaqstan oblysynan Soltústik Qazaqstan oblysyna qonys aýdarǵan, О́nimdi jumyspen qamtý jáne jappaı kásipkerlikti damytý baǵdarlamasynyń qatysýshysy Serik Janálıev sóz sóıledi. Sondaı-aq, keńes qatysýshylary «Uly Jibek jolynda» biryńǵaı týrıstik jobany iske asyrý keleshegi jáne eńbekke jumyldyrý máseleleri týraly pikir almasty.
Shara barysynda ótken jyldyń jeltoqsan aıynda Úkimet Memleket basshysynyń tapsyrmasy boıynsha О́nimdi jumyspen qamtý jáne jappaı kásipkerlikti damytý baǵdarlamasyn qabyldaǵany týraly aıtylyp ótti. Onda jumyssyz jáne ózin-ózi jumyspen qamtyǵan halyqty eńbek naryǵynda suranysqa ıe kásibı daǵdylarǵa jappaı oqytýǵa negizgi basymdyq berildi. Onymen qosa, baǵdarlama eńbekke jumyldyrýdy arttyrý máselesin de qamtıdy. Budan ózge, óńirlerdi ekonomıkalyq damytýdaǵy ózekti jaǵdaılardy eskere otyryp, ishki kóshi-qon jaǵdaıyn jańartýǵa baǵyttalǵan Kóshi-qon saıasatynyń tujyrymdamasy qabyldandy.
Úkimet bıznesti damytý men qoldaý kórsetý turǵysynan jaǵdaıdy erekshe baqylaýda ustaýda, sonyń ishinde Ulttyq kásipkerler palatasynyń túrli alańdarda, QR Premer-Mınıstriniń el aımaqtary boıynsha jumys saparlary barysynda kótergen máseleleri Júıelik problemalar tizimine engizilgen. Atalǵan tizim 513 máseleden turady, olardyń 442-siniń búginde sheshimi tabylǵan, qalǵan máseleler boıynsha pysyqtaý jumystary júrgizilip jatyr. Sonymen qatar damytýdyń perspektıvaly baǵyttarynyń biri retinde týrızm salasy atalyp ótti.