Kásipqoı bokstaǵy alǵashqy kezdesýin ótkizip, jeńiske jetken Ivan Dychko BoxRec.com bedeldi portalynyń asa aýyr salmaqtaǵy boksshylardyń reıtıngine endi, dep habarlaıdy sports.kz.
27 jastaǵy qazaqstandyq boksshy 684-inshi orynǵa ornalasty. Eske salaıyq, 30 qyrkúıek kúni Ivan Dychko kásipqoı bokstaǵy alǵashqy kezdesýinde jeńiske jetti.
AQSh-tyń Dallas qalasynda ótken jekpe-jekte jerlesimiz alǵashqy raýndta amerıkalyq qarsylasy Eıbýr Raıtty tehnıkalyq nokaýtpen jeńdi. Bul Vırdjınııadan shyqqan 34 jastaǵy boksshynyń sporttyq mansabyndaǵy ekinshi jeńilisi. Ol osyǵan deıin eki qarsylasynan basym túsken edi.