Jambyl aýdanynyń ortalyǵy Uzynaǵashtyń Mádenıet úıinde Dúnıejúzilik Qarttar kúniniń qurmetine «Anaǵa taǵzym» atty mádenı-ádebı is-shara ótti
О́mirin ónegemen kórikti etken Ardaqty Ana Sonymbúbi Qudanalyqyzy Ǵaınanova shańyraq kıesi bolǵan, qazaqtyń qatardaǵy kóp balaly otbasyn birligin uıytyp ustaǵan abzal ananyń biri edi. О́mir ýnıversıtetin bitirgen aıaýly ana óz qursaǵynan 11 bala ósirip, ulyn uıaǵa qondyryp, qyzyn qııaǵa ushyrdy. Uzynaǵashtaǵy eske alý saltanatynda alǵashqylardyń biri bolyp sóz sóılegen memleket jáne qoǵam qaıratkeri Shámsha Berkimbaeva búgingi bul sharaǵa «saýaby mol, taǵylymy zor» dep bir sózben tujyrymdap zor baǵa berý tetkten tek emes. «Ádette bizder mundaı sharalardy tanymal azamattarǵa, onyń ústine memlekettiń nemese uıymnyń atynan ótkizip daǵdylanǵanbyz. Búgingi bul keshti men qarapaıym qazaq anasyn qurmetteýdiń naǵyz otbasylyq úlgisi dep baǵalar edim. «Rýhanı jańǵyrý» aıasynda ol elimizdiń ár buryshynda jalǵasyn taýyp jatsa quba-qup» degen Shámsha Kópbaıqyzy «Otan otbasynan bastalady» degen qaǵıdattyń rastyǵyn jınalǵan qaýymnyń aldynda taǵy bir pash etti.
Uly Álı Oqapovtyń «Jarasty januıa» atty ánin jan sezimimen tebirene oryndaǵan qazaqtyń súıikti ánshi qyzy Roza Rymbaeva án arasynda anaǵa qurmettiń qandaı bolatynyn óz otbasynyn mysal keltire otyryp qyzyqty áńgime shertti. Eshqandaı reglamenttiz júrek qyzýymen, jan jylýymen ótip jatqan saltanatta kúlli zal Rozasymen qosylyp «Ana týraly jyr» men «Anaǵa sálemdi» shyrqady.
О́tken ómir jolynda 4000-nan astam shákirtti aldynan ótkizgen ulaǵatty ustaz Orynsha Qarabalına-Qazybekova Sonymbúbi ananyń qolynan dám tatqanyn aıtyp, búgin sol anany qurmetteýdiń naǵyz úlgisine tánti bolǵanyn jasyra almady. «Batys kelip jalańashtyp, Shyǵys kelip tumshalap» jatqan rýhanı qundylyqtarymyzdy kózimizdiń qarashyǵyndaı saqtaýda barshaǵa oı salar saltanat degen Halyq batyry Baýyrjan Momyshulynyń kelini Zeınep Ahmetova «biz búnig osy zalda jas dem kári deı anamayzdy eske túsirdik, anamyzdy saǵyndyq...» dedi. Halyq pen sahnanyń arsyndaǵy shep alynyp tastaldy. О́ıtkeni, búgingi saltanattyń bas taqyryby – Ana edi. Halyq artısi Nurǵalı Núsipjanov aǵamyz án sońynan bııazy minezimen bas ıip, anasyn, Sonymbúbi jeńgesin esine aldy. Qazaqstan Respýblıkasy Parlamenti Senatynyń depýtaty Dınara Nóketaeva bas bolyp «Anaǵa taǵzym» atty ıllıýstrasııalyq kórkem kitaptyń tusaýyn kesti.
Qarshadaı ǵana qyrǵyz qyzy Sonymbúbi Alataý asyp Jambyl eline kelin bolyp túsip, Uly Otan soǵysynyń ardageri Shaıahmet Ǵaınanovpen bas qosqanda eki eldiń arasynda ata dástúrine saı jorǵa júretindeı dáneker bolaryn bilip pe? Keshtiń júrgizýshisi – Jambyl aýdanynyń qurmetti azamaty, jazýshy-aqyn Manarbek Izbasarov qýanyshqa qutty bosyn aıta kelgen Sonymbúbi apanyń tórkinderine Qyrǵyszstannyń halyq artısterine sahna tórin qoshametpen usyndy. Sol-aq eken eki elge tel bolǵan «Alataý» men «18 jas» ánderi sahna jańǵyrtty. Halyqaralyq baıqaýlardan júlde alyp júrgen aýdandyq «Súıinbaı sazy» ansmbliniń ánshileri men kúıshileri ónerin aıamady. Aqyndar men batyrlar eliniń óner qyrandary óleń-jyrdan shashý shashýdy da umytpady.
Aýdan ákimi Jandarbek Dalabaev «Saýryq Batyr» aýylynyń ǵana emes kúlli aýdannyń anasy atanǵan Sonymbúbi ananyń Urpaǵyna – Ǵaınanovtar áýletine mundaı saltanatty keshtiń Dúnıejúzilk Qarttar kúnine úılesip ótýine muryndyq bolǵany úshin alǵys aıtty.
Talǵat Súıinbaı,
"Egemen Qazaqstan"
ALMATY
Sýretti túsirgen Nurmanbet QIZATULY.