О́tken aptada fýtboldan Qazaqstan ulttyq jáne jastar quramasynyń fýtbolshylary Qaraǵandy oblysy Temirtaý qalasynda ornalasqan balalar úıine bardy.
Qaıyrymdylyq sharaǵa Sergeı Hıjnıchenko, Vıktor Dmıtrenko, Igor Shaskıı, Mıhaıl Gabyshev, Oralhan О́mirtaev, Gevorg Nadjarıan, Rýslan Álimbaev, sondaı-aq bas bapker Aleksandr Borodıýk pen ulttyq quramanyń burynǵy oıynshylary Murat Tileshov pen Andreı Fınonchenko qatysty.
Qazaqstan ulttyq quramasy men «Shahter» klýbynyń shabýylshysy Sergeı Hıjnıchenko qurama fýtbolshylarymen qaıyrymdylyq sharasyna úshinshi ret qatysyp otyrǵanyn aıtty. Ol buǵan deıin Astana jáne Talǵar qalalaryndaǵy balalar úıine barǵan. «Balalar úıine úshinshi ret kelgenime qýanyshtymyn. Mundaı sharalar óte qajet. Balalarǵa syılyq jasaý jáne kóterińki kóńil-kúıi syılaý biz úshin úlken qýanysh. Bul jerde jaqsy jaǵdaı jasalǵan jáne balalar óte belsendi. Men olarǵa ómirdegi barlyq armandary oryndalýyn tileımin!» deıdi Hıjnıchenko.
Ulttyq quramanyń bas bapkeri Aleksandr Borodıýk sharadan keremet áser alǵanyn, balalar úıinde qyzmet etip jatqan árbir tárbıeshige bas ıip, alǵysyn jetkizdi. «Munda jumys istep júrgen adamdarǵa basymdy ıemin. Sizder atqaryp jatqan isterińiz úshin kez kelgen maqtaýǵa jáne maraptqa laıyqsyzdar. Bul - asyl is, úlken jumys».
Atalǵan balalar úıin 2000 jyly osy qalada týyp ósken, búginde Qazaqstan Respýblıkasy parlament Senatynyń depýtaty Darıǵa Nazarbaevanyń ózi ashqan. Balalar úıiniń dırektory Dáneker Seısekenovanyń aıtýynsha, fýtbolshylar atalǵan balalar úıine birinshi ret kelip turmaǵanyn, jyl saıyn osyndaǵy tárbıelenýshilerdi óz syılyqtarymen qýantyp turady eken. «Fýtbolshylar bizdiń dostarymyz bolyp ketken. Olardyń kelýin bizdiń balalar da taǵatsyzdana kútedi. Sondaı-aq fýtbolshylar árdaıym bizben qýanyshtarymen, jeńisterimen bólisip turady. Bizdi umytpaıdy, ár kelgen saıyn syılyqtarymen keledi. Jergilikti «Shahter» klýbynyń fýtbolshylary bizdi únemi oıyndaryna shaqyryp, qaıyrymdylyq sharasyn ótkizip turady» dedi D.Seısekenova.
Sóz arasynda Dáneker Seısekenova balar úıi ashylǵan 17 jyldyń ishinde osynda tárbıelegen balalardyń arysy AQSh-ta, berisi Reseıdi asyrap alǵan ata-analarymen turyp jatyr. Balalar jat jerde júrse de, tárıbeshilerin umytpaı, árdaıym habarlasyp turady eken.
Qaıyrymdylyq shara barysynda fýtbolshylar ózderimen alyp kelgen syı-syıapattaryn balalar úıindegi balǵyn ini-qaryndastaryna tabystady. О́z kezegende balalar úıiniń tárbıelenýshileri ónerlerin ortaǵa salyp, konserttik baǵdarlama uıymdastyrdy. Kesh sońynda olar fýtbolshy aǵalarymen áńgimelesip, estelikke sýretke tústi. Sonymen qatar, balalar túrli oıyn oınap, kúnderin kóterińki kóńil-kúımen ótkizdi.
Álı BITО́RE, «Egemen Qazaqstan»