Almaty oblysynda Alash arystaryn ardaqtady

«Alashorda qozǵalysynyń ult tarıhyndaǵy orny men mańyzy» atty konferensııa arystardyń ómiri arqaý etilgen beınefılmmen bastaldy. Odan keıin aqyn, kompozıtor,  Mádenıet qaıratkeri Tóleýjan Ǵumar tizgin us­taǵan basqosýda Alash qoz­ǵa­lysyn zertteýshi, ǵalym, Ult­tyq ǵylym aka­de­mııasynyń korres­pondent-mú­shesi, tarıh ǵy­lym­darynyń dok­tory, professor Mámbet Qoı­gel­di alǵashqy bolyp sóz aldy.

– «El ishinde «Alash qaırat­ker­leri aqtaldy» degen sóz dúrkin-dúr­kin aıtylyp jatady. Bul ne sóz? Shyndyǵyna kelsek, aq­ta­latyndaı olar kimniń aldynda kináli edi? Bile-bilsek, bul ke­zin­­degi kommýnıstik partııanyń shy­ǵarǵan baılamsyz pikiri. Osy oraıda ár ýaqytta aıtyp júrgen sózimdi qaıtalaǵym keledi: biz Alashty joqtap boldyq, endi joqtaı berýdi toqtatyp, olardyń ıdeıasyn júzege asyrýdy qolǵa alýymyz kerek, – deıdi professor. 

Al «Arys» qorynyń pre­zı­denti, fılologııa ǵylym­da­rynyń dok­tory Ǵarı­folla Ánes H. Dos­muhamed­uly­nyń oqýlyqtary – má­denı-pedagogıkalyq mura eke­nin alǵa tartty. Ǵylym doktory Halel jaıly tyń derekterdi alǵa tartyp, onyń qaıratkerligi men kúreskerligin baıandady. Sonymen qatar, Álimhan Er­me­kov matematık, Muhamedjan Ty­nysh­paev temirjolshy, Halel Dos­muhameduly dáriger bolǵanyna qa­ramastan ult máselesi synǵa tús­ken shaqta rýhanııat pen el saıasatyna da birlese ara­lasqany, bir ózi birneshe ıns­tı­týttyń jumysyn atqaryp ket­ken alyptardyń ómiri jáne at­qarǵan isi tek gýmanıtarlyq sa­la qyzmetkerlerine ǵana kerek bo­lyp qalǵany da aıtyldy. 

Túrkııanyń týmasy, qazir Abaı atyndaǵy Qazaq ulttyq pe­da­gogıkalyq ýnıversıtetinde oqy­tý­shylyq qyzmet etip jatqan ta­rıh ǵylymdarynyń doktory Os­man Kabadaıy sóz alyp, Alash ta­rı­hyna túrik halyqtarynyń qy­zy­ǵý­shylyǵy joǵary ekendigin, arys­tar jaıly Túrkııa memleketiniń bas­pasózi de jıi sóz qylatynyn atap ótti. «Maǵjan Jumabaev bas­taǵan aqyn-jazýshylardyń shy­ǵarmasyn túrik tiline aýdaryp, bastyrýda da biraz sharýalar at­qa­rylyp jatqany da baýyrlas el­diń qazaq tarıhyna nemquraıly qa­ramaıtynyn kórsetedi», dedi. 

Jıyn sońynda tarıh ǵylym­da­rynyń kandıdaty Shamek Tileý­ba­ev «Alash qaıratkeri  Yby­raıym Jaınaqov» taqyry­byn­da baıandama jasady.

Almas NÚSIP,  «Egemen Qazaqstan» Almaty oblysy