Astanada Ulttyq kod pen biregeılik jónin­­degi forým ótti

 Is-sharaǵa QHA Tóraǵasynyń orynbasary – Hatshylyq meńgerý­shisi Darhan Myńbaı, Májilis depýtattary, QHA múshe­leri, etnomádenı birlestikter men memlekettik mekeme­lerdiń ókilderi qatysty. Sonymen qatar, jıynǵa Tájikstan, О́zbekstan, Belarýs elderinen sarapshylar men halyq­aralyq qatynas salasynyń mamandary keldi.  

Ulttyq kod pen biregeılik jónin­­degi forýmdy ashqan D.Myń­baı Nazarbaev Ýnıver­sıtetiniń elimizdegi irgeli oqý ordasy ekenin jáne Qazaqstandaǵy bilim salasyna súbeli úles qosyp júrgenin sóz etti. 

«Ortalyq Azııa ǵylymı-sarap­shylyq keńesti dástúrli túrde ótkizip kelemiz. Búgingi jıyn­­nyń taqyrybyna Elbasy Nur­sultan Nazarbaevtyń «Bola­shaqqa baǵdar: rýhanı jańǵyrý» maqalasynda sóz bolǵan máse­le­ler muryndyq bolyp otyr. Onda jahandaný dáýirinde rýhanı jań­ǵyrýdyń mańyzy joǵa­ry eke­ni aıtylady», – degen D.Myń­baı Elbasy maqalasynda atal­ǵan baǵyttardyń ózektiligine toqtaldy. 

Tóraǵa orynbasarynyń aıtýynsha, kez kelgen qoǵamnyń ózine tán túp-tamyry bolady. Osy oraı­­da, ol rýhanı jańǵyrý osynaý ult­­tyq kodty saqtaı otyryp júr­­gizilýi kerek ekenin jetkizdi. D.Myń­­baıdyń sózine súıensek, máde­­nıet, tarıh jáne dástúr mem­leket pen qoǵamnyń negizgi tirek­teri. Oǵan arqa súıemegen halyq óz ba­ǵytyn joǵaltyp alýy múmkin. Dás­túrdi saqtaý ótkendi kóshirip alý emes, biregeılikti bekemdeı oty­­­ryp, bolashaqqa nyq qadam basý eke­­­nin aıtty Tóraǵa orynbasary. 

«Qazaqstannyń ótkeni – saq­tar, ǵundar, túrikter men Qazaq han­­dyǵynan bastaý alatyn bizdiń tarıh. Bul azııalyq, eýrazııalyq órke­nıetter bir arnaǵa toǵy­syp, adamzat tarıhyndaǵy kósh­pen­dilerdiń óz qoltańbasyn qal­dyrǵan jol. Ujymdastyrý, ashtyq jáne qýǵyn-súrgin jyldary moıymaǵan ulttyq rýh qa­lyp­tasty. Osyndaı ótkeni bar Qazaq­stannyń polıetnostyq kel­be­ti jasaldy. Sonaý jyldary Qa­zaqstanǵa túrli etnostar­dan 2,5 mıllıonǵa jýyq ha­lyq kúshtep kóshirildi», – dep atap ótken D.Myńbaı Qazaq­stan­nyń polıetnostyq jáne polıkon­fes­sııa­lyq elge aınalǵanyn jetkizdi.

Nazarbaev Ýnıversıtetiniń stý­denttik ister jáne halyq­ara­­lyq qatynastar jónindegi vıse-prezıdenti Qadısha Daırova­nyń paıymdaýynsha, mundaı alqaly jıyndardyń qoǵam úshin mańy­zy zor. Sony­men qatar, ol bú­gingi tań­da irgeli bilim ordasynyń qazir­­gi jaǵ­daıy­men tanystyryp ótti. Q.Daırova Nazarbaev Ýnı­ver­­­­­sı­­­­tet­ti shetelderdegi ozyq tá­ji­­­­rı­­­be­lerdi jınaqtap, ishinen eń úz­­­dik­terin tańdap alatynyn atap ót­t­i. Onyń pikirinshe, mundaı úlgi­­­ler­di eń áýeli ýnıversıtette táji­­rı­­­­beden ót­kizý eldegi bilim sala­­­­syn damy­­týǵa eleýli úles qosa­­dy. Q.Daırova qazirgi tańda Nazarbaev Ýnıversıteti solardyń ishi­nen ozyq shyq­qanyn tańdap, Qazaq­stan­daǵy basqa da bilim ordalarymen táji­rıbe bólisetinin jetkizdi. 

«Búginde bizdiń aldymyzda oqý ordasyna kóptegen ulttyń ókil­­­­derin tartý máselesi tur. Ýnı­ver­­­­sıtette oqıtyn tórt myńǵa jýyq stýdenttiń 91 paıyzy qazaq. Bul – qýantarlyq jaǵdaı. Áıtse de, al­daǵy ýaqytta oqý ordasynda kez kelgen ulttyń ókili bilim alý­­ǵa múmkindigi bar ekenine kóz jet­kizý kerek», – dedi Q.Daırova.

«Qoǵamdyq pikir» zertteý ıns­tıtýtynyń jobalar jetek­shisi, QHA Ǵylymı-sarapshy­lar keńe­siniń múshesi Botagóz Raqy­sheva  Ortalyq Azııa jas­tary­nyń bire­geıligi jóninde júrgiz­gen zert­­teýdiń nátıjesimen bólisti. On­da jastardyń túrli máse­le­lerge kóz­­qarastary, ınternetti qoldaný sekil­di túrli salalar qamtylǵan. 

B.Raqysheva keltirgen derekterge saı, qazirgi tańda qazaqs­tan­dyq jastardyń áleýmettik jáne ekonomıkalyq jaǵdaıy kór­­shi elderdegi qurdastaryna qara­ǵanda anaǵurlym jaqsy. Máselen, Qazaqstandaǵy óskeleń urpaqtyń 88 paıyzy keń jolaqty ınternetke qol jetkizgen. Bul – zertteý júrgizilgen basqa elderden áldeqaıda kóp.

Sonymen qatar, alqaly jıynda qoǵamdyq jańǵyrtý úderisine mádenı murany paıdalanýdyń halyqaralyq tájirıbesine taldaý jasaý jáne ony jınaqtaý, qazaq­standyqtardyń ulttyq kody­nyń negizgi irgetasyn anyq­taý, zama­naýı memlekettiń ornyq­tyl­y­­ǵyn saqtaýdaǵy azamattyq bire­geı­liktiń rólin baǵalaý máse­leleri de talqylandy.