Siz ne deısiz?

KÁSIPTIK-TEHNIKALYQ LISEI AShÝ – QAJETTILIK Baıanaýyl aýdanyna qa­ras­ty Maıqaıyń kentinde 10 myńdaı halyq turady. Onyń arasynda 2 myńnan asa oralman aǵaıyn bar. О́n­diriske baryp jumys ja­sa­ǵy­sy keletin jas kóp. О́n­di­ris oryn­dary da jetkilikti. Sondyq­tan munda  kási­bı maman­dar­ǵa degen sura­nys ta joǵary. Osy sebepti kentte arnaıy kásiptik mektep ashý qajet­tigi baıqalady. «Egemen Qazaqstannyń» Pavlodar oblysyndaǵy tilshisi Farıda Byqaı Maıqaıyń kentiniń ákimi Orda Ermekbaevqa: – Siz buǵan ne deısiz? – Bul – búgingi kúnniń su­ranyp turǵan ótkir má­se­lesi. Kent jastary da, olardyń ata-analary da osy jańalyq­ty asyǵa kútip júr. Jalpy, gazben dánekerleýshiler, taý-ken isiniń sheberleri, elek­tr­shi mamandar qajet-aq. Kentke kór­shiles aýyldardan da ke­letin jastardyń arnaıy bilimderi joq. Sonyń salda­ry­nan olar­dyń deni qara ju­mysty kásip etedi. Kásiporyn basshylary  jyl saıyn Pavlodar men Ekibastuz qalala­ryn­daǵy ká­sip­­tik oqý oryn­da­ryna kóp­tegen jastardy oqýǵa jiberedi. Degenmen, ón­diris oryn­darynyń keńeıip, ónim óndirý kórsetkishteriniń artýy bilikti mamandardyń kóbeıýin talap etýde. Bul má­seleni sheshýdiń joly – Maı­qaıyńnyń ózinde kásiptik-tehnıkalyq oqý or­nyn ashý. Sonda tehnıkalyq mamandar­ǵa degen zárýlik te bolmas edi. Arnaıy baǵdarlama boı­yn­sha mamandar daıarlaýǵa Eki­bastuz qalasyndaǵy  №18 ká­sip­tik lıseıge, oblys or­ta­ly­ǵyndaǵy №15  lıseıge bı­ylǵy mektep bitirgen túlek­ter oqýǵa jiberildi. Al, qaı­ta daıarlaýǵa Ekibastuz qala­syn­daǵy №4, 18, 27 kásiptik lıseılerge, oblys ortaly­ǵyn­daǵy №5, 1 kásiptik lıseılerge  3 aı oqý merzimine  jastar oqyp kelmekshi. Biliktiligin arttyrý úshin Eki­bas­tuz qalasyndaǵy medısına­lyq kolledjge, ob­lys orta­ly­ǵyndaǵy aqparat­tyq tehnologııa kolledjine býhgalter mamandyǵy boıyn­sha oqý­ǵa jiberilgender de bar. Jalpy, Maıqaıyń kentinen kásiptik daıarlaýǵa, qaıta daıar­laýǵa jáne biliktiligin art­tyrýǵa 50 jas jiberilip otyr. Barlyǵyna júris-turysy úshin 12000 teńge, stıpendııasyna 7 myń teńge jáne qalada tur­ǵa­ny úshin 15 myń teńge  tóle­nedi. Kenttiń óz kásiptik  oqý orny bolsa, osynshama shyǵyn shyqpas edi. Pavlodar oblysy.