Qazaqstan Prezıdenti Amerıka Qurama Shtattarynyń Prezıdenti Donald Trampqa kóńil aıtý jedelhatyn joldady. Bul týraly akorda.kz habarlady.
Memleket basshysy Nursultan Nazarbaev Las-Vegas qalasynda bolǵan atys saldarynan kóptegen adamnyń qazaǵa ushyraǵany jáne zardap shekkeni týraly habardy zor kúızelispen qabyldady.
«Biz osynaý syn saǵattarda AQSh halqymen birge ekenimizdi jetkizgim keledi. Jeke ózimniń jáne barsha Qazaqstan halqynyń atynan qaza bolǵandardyń týystary men jaqyndaryna, sondaı-aq dostas Amerıka Qurama Shtattarynyń halqyna kóńil aıtyp, zardap shekkenderdiń tezirek saýyǵyp ketýine tilektestik bildiremin», – delingen jedelhatta.