Astana ákimi Áset Isekeshev «Astana LRT» kompanııasynyń qoǵamdyq kólik úshin ár páterden tólem jınaý týraly usynysyna túsinikteme berdi, dep habardaıly astana.gov.kz.
«3857,3 teńge (1,7 AEK) jınaý týraly bastama paıdalanylmaǵan qyzmetter úshin tólem tóletetin jaǵdaıda qabyldanbaıdy. Bul tek ALRT kompanııasynyń elordanyń kólik júıesiniń damýyna qatysty máleseleri talqylanǵan partııalyq tyńdalymda usynylǵan ıdeıanyń biri. Usynystar men ıdeıalar áli kúnge deıin qabyldanyp jatyr. Sheshim áli qabyldanǵan joq, sondyqtan qalalyqtarǵa ýaıymdaýǵa esh negiz joq», - dedi Áset Isekeshev.
Ákimniń sózinshe, «qazir Astananyń kólik kesheniń odan ári damytý modeliniń bastapqy kezeńi júrip jatyr. Arnaıy jumys toby máselelerdi sheshýdiń túrli nusqalaryn talqylaýda. Barlyq usynystardy saralaǵan soń, olar óz sheshimin ákimdiktiń qaraýyna joldaıdy».