Osy jyldyń qazan aıynyń 2-4 aralyǵynda elimizdiń bas qalasynda zańsyz kóshi-qon máselesin boldyrmaýǵa baılanysty «Nelegal» jedel-profılaktıkalyq sharasy júrip jatyr, dep habarlaıdy qalalyq ákimdiktiń baspasóz qyzmeti.
Astana qalalyq IIB-nyń aqparaty boıynsha jedel shara sheteldik azamattardyń Qazaqstannyń kóshi-qon zańnamasyn saqtaýyna jáne bas qalamyzda zańsyz júrgen shetel azamattaryn anyqtaýǵa baǵyttalǵan.
Jedel-profılaktıkalyq shara barysynda polıseıler sheteldik azamattar turatyn jáne kóp jınalatyn jerlerde reıdtik tekserýler júrgizýde. Atap aıtsaq: saýda, qurylys alańdary, jataqhana jáne saıajaılar.
Bir kúndik JPSh kezinde 352 ákimshilik quqyq buzýshylyq anyqtalǵan, 333 sheteldik azamat ákimshilik jaýapkershilikke tartylyp, 38-i sot sheshimimen elden shyǵarylǵan.
Sonymen qatar, JPSh kezinde elimizde aryqaraı qalýyna negiz joq jáne kóshi-qon zańnamasy tártibin saqtamaǵan 159 sheteldik azamattyń ýaqytsha tirkelý merzimi qysqartylǵan. Sheteldik azamattardy ýaqytsha tirkeý zańnamasy tártibin saqtamaǵan 11 jáne sheteldik jumys kúshin zańsyz qoldanǵan 8 Qazaqstan azamaty ákimshilik jaýapkershilikke tartylǵan.
Shara barysynda polıseıler tólqujaty joq 51 taıaý shetel azamatyn ustap, olardyń azamattyǵy men jeke tulǵasy anyqtalǵansha sot sheshimimen IIB-nyń arnaıy qabyldaý-taratý ornyna jiberilgen.