Elbasynyń «Bolashaqqa baǵdar: rýhanı jańǵyrý» baǵdarlamalyq maqalasy ıgilikti isterdiń altyn qazyǵyna aınaldy. Osy baǵdarlama aıasynda Ulttyq kásipkerler palatasy «Atamekenim» atty aksııa bastady.
Bıznes ıelerin buqara halyqqa jaqsylyq jasaýǵa shaqyratyn naýqan atyraýlyq Dınara Ertileýovaǵa kútpegen qýanysh syılady. Bir balasy bar jalǵyzbasty ana búginge deıin páter jaldap kelgen edi. Dárigerler júregi men ókpesine transplantasııa jasaý kerektigin aıtqan. 2011 jyly múgedektigi boıynsha turǵyn úı kezegine turǵanmen, basybaıly baspanaly bolýdyń aýyly áli alys. Dınaranyń aýyr jaǵdaıynan habardar bolǵan Atyraý oblystyq kásipkerler palatasy aımaqtyq keńesi páter alyp berýge sheshim shyǵardy. Aımaqtyq keńes tóraıymy Álııa Bekqojıevanyń qolynan jańa páterdiń kiltin alǵan Dınara Ertileýova: «Bul meniń ómirimdegi eń baqytty kún» dep alǵysyn aıtty.
«Memleket basshysy, Úkimet bıznestiń damýyna qajet jaǵdaıdyń bárin jasap otyr. Alystaǵy aýyl halqynyń kásip ashýyna da qoldaý kórsetetin baǵdarlamalar bar. Kásipker retinde áleýmettik jaýapkershilikti sezinip, qınalǵandarǵa qol ushyn berýimiz kerek. Ulttyq kásipkerler palatasynyń «Atamekenim» aksııasyna qatysýdy paryzymyz dep bilemin. Barlyq bıznes ıelerin jaqsylyq jasaýǵa shaqyramyn», deıdi Álııa Bekqojıeva.
«Atameken» ulttyq kásipkerler palatasy resmı saıttarynda áleýmettik máseleler tizimin jasaýdy qolǵa alǵan. Qoldaý men kómekti qajet etkender endi ınternet arqyly suranys qaldyra alady.
Baqytgúl BABASh, «Egemen Qazaqstan»