Ortsaılaýkom saılaý prosesteriniń erekshelikterine úıretý úshin trenerlik korpýsty daıarlaý boıynsha semınar ótkizýde.
3-5 qazanda Qazaqstan Respýblıkasy Ortalyq saılaý komıssııasy alǵash ret QR Prezıdenti janyndaǵy Memlekettik basqarý akademııasynyń bazasynda «Qazaqstan Respýblıkasynda saılaý prosesterin uıymdastyrý erekshelikteri boıynsha budan ári oqytýdy júzege asyrý úshin trenerlik korpýsty daıarlaý» taqyrybynda elektorattyq oqytý boıynsha semınar ótkizýde.
Semınardyń maqsaty respýblıkalyq deńgeıden jergilikti deńgeıge deıin saılaý komıssııalary kadrlarynyń biliktiligin arttyrý, saılaý komıssııalarynyń músheleri men basqa da saılaý prosesine qatysýshylardy budan ári oqytýdy júzege asyrý úshin trenerlik korpýsqa saılaý taqyryby boıynsha oqytý quzyretteri men mashyqtaryn úıretý bolyp tabylady.
Semınar Ortsaılaýkomnyń 2017 jylǵa arnalǵan elektorattyq oqytýynyń sońǵy kezeńi bolyp tabylady.
Semınarǵa elimizdiń 14 óńirinen, Astana jáne Almaty qq. barlyǵy 150 trener qatysýda.
Is-sharany asha otyryp, QR OSK Tóraǵasy Berik Imashev osy jyly Ortsaılaýkom óz qyzmetin respýblıkalyq deńgeıden jergilikti deńgeıge deıingi saılaý komıssııalarynyń kadr biliktiligin arttyrý sııaqty mańyzdy baǵytqa shoǵyrlandyrǵanyn atap ótti. Elektorattyq oqytýdyń 150 trenerin daıyndaýdyń pılottyq jobasy saılaý komıssııalarynyń múshelerin oqytýdy júıeli uıymdastyrýdaǵy alǵashqy qadam bolyp tabylady.
Semınarǵa qatysýshylar aldynda Ortalyq saılaý komıssııasynyń Tóraǵasy Berik Imashev Qazaqstanda saılaý júıesin damytý týraly dáris oqydy.
«Memleket basshysy bastama etip kótergen áleýmettik jańǵyrtý jaǵdaıynda bizdiń aldymyzda turǵan jańa maqsattar men mindetter óńirlik saılaý komıssııalaryndaǵy áriptesterimizdiń joǵary kásibı daıarlyǵyn talap etedi.
Saılaýdy uıymdastyrýshylar aldynda turǵan negizgi mindet – zańdy buljytpaı oryndaý. Halyqtyń Qazaqstannyń saılaý júıesine degen senimi, eń aldymen, osyǵan baılanysty», - dedi B. Imashev.
Sondaı-aq semınarda OSK Tóraǵasynyń orynbasary Konstantın Petrov, OSK músheleri Vladımır Foos jáne Marat Sársembaev dáris oqydy.
Semınarǵa qatysýshylar úshin OSK Tóraǵasynyń orynbasary Konstantın Petrov, OSK hatshysy Sábıla Mustafına jáne OSK músheleri Vladımır Foos, Baqyt Meldeshov, Lázzat Súleımen praktıkalyq sabaqtar ótkizdi.
Semınardyń qorytyndylary boıynsha qatysýshylarǵa sertıfıkattar tapsyrylatyn bolady.