Densaýlyq saqtaý mınıstrligi áýe apatynda qaza bolǵan dárigerlerdiń esimderin atady.
«Aýyr haldegi júkti áıelge kómek kórsetý úshin 3 qazan kúni saǵat 18.39-da Almaty qalasynan Shymkent qalasyna sanıtarlyq avıasııa brıgadasynyń 2 dárigeri, atap aıtqanda, professor, Akýsherlik, gınekologııa jáne perınatologııa ǵylymı ortalyǵynyń akýsher-gınekolog dárigeri Patsaev Talǵar Ánapıuly men professor, Kardıologııa jáne ishki aýrýlar ǵylymı-zertteý ınstıtýtynyń reanımatolog-dárigeri Artyqbaev Jánibek Túkenuly ushyp shyqty.
Bortta naýqastar bolǵan joq. Ushý Respýblıkalyq sanıtarlyq avıasııa ortalyǵynyń kelisimsharty negizinde «East Wing» áýekompanııasynyń «AN-28» ushaǵynda júzege asyryldy.
Densaýlyq saqtaý mınıstrligi qyzmettik mindetterin oryndaý barysynda kóz jumǵan medısınalyq qyzmetkerlerdiń otbasylaryna qaıǵyra kóńil aıtady jáne moraldyq, materıaldyq kómekter kórsetetin bolady», delingen vedomstvonyń habarlamasynda.
Aıta keteıik, 3 qazan kúni saǵat 19.15-te Almaty oblysy Ile aýdanynyń Mejdýrechınsk aýyly mańynda sanıtarlyq avıasııa reısin oryndaǵan «AN-28» ushaǵy qulap, órtendi. Bortta bolǵan 5 adam qaza tapty.