Aqtóbelik dáriger-hırýrgter taǵy bir eleýli jetistikke qol jetkizdi. Olar baýyry búlingen aýyr naýqasqa ómirden ótken adamnyń dál osy aǵzalyq múshesin aýystyryp salý otasyn sátti ótkizdi.
Osy arada aıta keterlik jaıt óńirde buǵan deıin máıit donorlyǵy boıynsha búırek salý operasııasy iske asqan bolsa, bul baýyr transplantasııasyna sáıkes jasalǵan qadam ekendigi.
-Tańerteń bastalǵan tústen keıin aıaqtaldy. Qazir naýqastyń jaǵdaıy qalypty. Ol uzaq jyldar boıy baýyr sırrozy dertinen zardap shekken. Oǵan buǵan deıingi belgilengen em túrleri eshqandaı nátıje bermeı keldi. Endigi jerde naýqastyń aldynda bir ǵana jol turdy. Bul baýyryn almastyryp salý edi. Solaı boldy da. Buǵan deıingi baýyr transplantasııasy kezinde naýqastarǵa týǵan týysqandary donor bolǵan bolsa, bul joly máıit donorlyǵy tıisti nátıje berdi, – dedi oblystyń bas hırýrgy Erlan Sultangereev «Egemen.kz» tilshisine. Qazir ota jasatqan azamat dárigerlerdiń baqylaýynda.
Temir Qusaıyn,
«Egemen Qazaqstan»
Aqtóbe