Janýarlardyń ekpesine qala bıýdjetinen 22 mln teńge bólindi, — dep habarlaıdy elorda ákimdiginiń resmı saıty.
Qaıtarymsyz tegin vaksınany 1 qyrkúıekke deıin «Vızantııa» veterınarlyq klınıkasynda alýǵa bolady. Búginge deıin 1 myńnan astam janýar ekpe saldyrdy, taǵy 4 myńǵa jýyq ıt pen mysyq egiledi dep kútilýde.
Mamandardyń aıtýynsha qutyrmanyń negizgi taratýshysy jabaıy túlki men atjalmandar. Veterınarlardyń aıtýynsha, ekpeni ýaqyly jasasa úı janýarlaryna bul dertten qaýip joq.
«Astana Vetservıs» JShS veterınarııa bóliminiń basshysy Erlan Jekebaevtyń aıtýynsha, qutyrmaǵa qarsy udaıy ári turaqty ımmýndaý atalǵan keseldiń aldyn alýǵa múmkindik beretin birden-bir shara.
«Janýarlarǵa adamgershilikpen qaraý maqsatynda ákimdikpen janýarlardy zararsyzdandyrýǵa qarjy bólindi. Kez kelgen adam janýarlaryn tegin ektire alady. Biraq qazir basqa dári Belorýsııada shyǵarylǵan «Berlap» dárisi paıdalanylady», — deıdi E.Jekebaev.
Aıta keterligi, aksııa janýarlardy zararsyzdandyrýdy da sózder otyr. Bul, «Astana Vetservıs» JShS dırektorynyń Bıbol Begalınnyń aıtýynsha, qańǵybas ıtterdiń kóbeıýine tosqaýyl qoıý úshin jasalady.
«Senbi kúnge deıin 1 020 janýar zalalsyzdandyryldy. Bul baqylaýsyz ári qańǵybas ıtterdiń kóbeıýine tosqaýyl qoıý úshin jasalýda. Al aýlaýǵa qatysty alar bolsaq, kórsetkishtiń tómendegeni baıqalady. Alǵashqy jyldary 15 000 ıt aýlasaq, ótken jyly 9 610 ıt quryqtadyq. Aǵymdaǵy jyly aýlanǵan janýarlardyń sany 5 670 qurady», — dedi B.Begalın.
Atalǵan qyzmetti paıdalaný úshin janýardyń ıesi ıt pen mysyqty tirkep, zararsyzdandyratyn «Astana Vetservıs» vetırınarlyq mekemesine barýy kerek. Aksııa 1 jeltoqsanǵa deıin jalǵasady.