Batys Qazaqstan oblysynyń Jánibek aýylynda jergilikti kásipker Esqaıyr Elemesov aýdandyq musylmandar meshiti janynan «Dinı saýat ashý ortalyǵy» ǵımaratyn salyp berdi.
Jánibek selosyndaǵy aýdandyq meshit aýlasynan salynǵan sý jańa ǵımaratta ul balalar men qyz balalar dinı saýatyn ashatyn synyp bólmeleri bólek jabdyqtalǵan. Odan bólek úlken zal bar. Medrese ǵımaratyn salýǵa kásipker 8,5 mln teńgedeı qarjy jumsapty.
Dinı saýat ashý ortalyǵynyń ashylý saltanatyna jınalǵan jamaǵat aldynda Nur-Múbárak ıslam ýnıversıtetiniń túlegi, ustaz Izbasar Maqsotov qıraǵattap Quran súrelerin oqyǵan soń, QMDB-nyń Batys Qazaqstan oblysy boıynsha ókil ımamy Rýslan qajy Sultanov pen kásipker Esqaıyr Elemesov ǵımarattyń tusaýkeser rásimin jasady.
– Jánibek aýdandyq máslıhatynyń depýtaty, «Sımvol» JShS dırektory Esqaıyr Elemesov burynnan qaıyrymdylyq isterimen el alǵysyn alyp júrgen azamat. О́zi de namazyn qaza qylmaıtyn ımandy jan bolashaqta meshit pen saýat ashý ortalyǵyna qysta jylytatyn qazandyq salyp berýdi josparlap júr, – deıdi bizge jánibektik áriptesimiz Ahmedııar Batyrhanov.
Qazbek QUTTYMURATULY, «Egemen Qazaqstan»
Batys Qazaqstan oblysy