Ortalyq kommýnıkasııalar qyzmetinde Densaýlyq saqtaý mınıstrligi Farmasııa komıtetiniń tóraıymy Lıýdmıla Bıýrabekova jáne Dárilik zattardy, medısınalyq maqsattaǵy buıymdardy jáne medısına tehnıkasyna saraptaý ulttyq ortalyǵy bas dırektorynyń orynbasary Arnur Nurtaevtyń qatysýymen «Gepasan» dári-dármegine baılanysty baspasóz máslıhaty boldy.
«Búgin «Vremıa» qoǵamdyq-saıası gazetinde Mıhaıl Kozachkovtyń «Preparatnye ıgry» degen maqalasy jaryq kórdi. Onda ol «gepasan» dárisiniń medısınalyq tájirıbede qoldanylýy jóninde jazyp, maǵan osyǵan oraı pikir bildirýimdi suraǵan eken. Másele otandyq dári óndirýshi «Hımfarm» AQ óndirgen «gepasan» dárisi jóninde. «Gepasan» ol kardıologııa jáne kardıohırýrgııa bólimshelerinde qoldanylatyn jáne jansaqtaý bóliminde jatqandar úshin ómirge asa mańyzdy dári. «Iá, shyn máninde, bıylǵy jyldyń tamyz aıynda osy dári-dármekti tirkeý týraly kýálikti bizdiń saraptamalyq uıym – Dári-dármekti saraptaý ortalyǵynyń qorytyndysy negizinde toqtatty. Sebebi 2016 jyly jáne 2017 jyldyń birinshi jartysynda osy preparattyń janama áseri týraly, atap aıtqanda, onyń tıimsizdigi týraly 4 kart-baıandama kelip túsken. Osy tórt kartany qarastyrǵan kezde, bir kartochka jaramsyz boldy jáne biz úsh kartanyń negizinde dáriniń jaramsyz ekenin anyqtaý úshin tirkeý kýáligin toqtattyq.
Sodan keıin eki aıdyń ishinde biz medısına uıymdarymen jumys istedik, oblystardan, Astana men Almaty qalalarynyń barlyq medısınalyq uıymdarynan kelip túsken hattarda onyń qaýipsiz ekeni kórsetilgen. Kompanııa óndirýshisi eki aı boıy Polshanyń jáne Germanııanyń eki eýropalyq zerthanalarynda dári-dármekti teksergen. Nátıjesinde dárilik zattyń joǵary sapaly jáne qaýipsiz ekeni dáleldendi. Sonymen qatar preparatty qoldaný boıynsha nusqaýlyqta ózgerister boldy, onda, ıaǵnı dári-dármekte pasıentterdiń kórsetilmeıtin sanaty bar, sondyqtan dozany ózgertý nemese basqa preparatqa aýystyrý usynyldy. Osy aqparatty muqııat zerdelep, Ulttyq saraptama ortalyǵy atalǵan dárini paıdalanýǵa ruqsat berip jáne «Hımfarm» zaýytyna eldegi medısınalyq uıymdardyń biriniń negizinde klınıkalyq zertteýlerdi usynady, onda olar geparın natrıı dárýmenin ǵylymı zertteýmen aınalysady», dedi Farmasııa komıtetiniń tóraıymy Lıýdmıla Bıýrabekova.
Onyń aqparatyna sáıkes, kompanııanyń Densaýlyq saqtaý mınıstrligine qarasty Syzǵanov atyndaǵy ǵylymı-zertteý ınstıtýtynyń bazasynda klınıkalyq zertteý júrgizý týraly kelisimsharty da bar.
Raýan QAIDAR, «Egemen Qazaqstan»