Japon fılmindegi «qyrǵyz» atty jat planetalyq basqynshylardyń ataýyn qyrǵyzstandyqtar erekshe tańdanyspen qabyl aldy.
Fılmdegi ózge ǵalamshar ıeleri aǵylshyn tildi resýrstarda Kyrgyz, orys tildi basylymdarda «Kırgız» dep atalyp, jazylyp jatyr. Ondaǵy málimetterde 10 qarashada Japonııada Brave Storm («О́jet daýyl») atty prokatqa shyǵatyn fantastıkalyq fılm sıýjeti adamdar men «qyrǵyz» atty bógde ǵalamshar turǵyndary arasyndaǵy kúres týraly órbıtindigi aıtylǵan.
The Hollywood Reporter fılmniń kóptegen batystyq blokbasterdi eske salatyndyǵyn ári japon pop-mádenıetiniń elementteri kezdesetindigin aıtty. Portalda jarııalanǵan maqalada «2050 jyl. Qyrǵyz atty bógdeǵalamshar ıesi (kyrgyz) jer turǵyndaryn joıyp jiberedi. Sońǵy tiri qalǵan bireýi jaýlardyń robotyn qolǵa túsirip, sol arqyly qyrǵyzdar ornatqan aqyrzamanǵa qarsy temirdeı ásker sapyn jasaqtaý úshin ótkenge sapar shegedi», - delingen.
Feısbýk qoldanýshylarynyń biri «Qyrǵyzdardyń árqashan erekshe adamdar ekenin men bilgenmin», dep pikir qaldyrsa, kelesi bir qoldanýshy «Qyrǵyzdar ázildeı alady, biz ózimizge kúle alamyz» deıdi. Endi bir ınternet qoldanýshysy «Fılmdegi monstrdyń ádepki qyrǵyz sheneýniginen aıyrmasy joq», dep eldegi ákimshilik óktemdikke negizdelgen basqarý júıesin meńzep, ázilge balaǵan. Sonymen birge kórshiles Qazaqstannyń mádenıetin mazaqqa aınaldyrǵan «Borat» fılmin eske túsirgen. Áleýmettik jeli qoldanýshylary men kóptegen aqparattyq basylymdar «qyrǵyz» ataýyn ıelengen bógde ǵalamsharlyqtar týraly fılm jaryqqa shyqpaq dep jarysa talqylap jatqanda, fılm rejısseriniń Týıtterdegi myna jazbasy qyzý áńgimeni sý sepkendeı óshirdi.
Someone misunderstood the spelling. RT @AyperiS: Kyrgyz citizens laugh off film's 'Kyrgyz' alien bad guys pic.twitter.com/TtylczwXvc
— 岡部 淳也 (@JunyaOkabe) October 27, 2017«Kartınadaǵy basty antagonıster Kyrgyz emes, Killgis ataýyna ıe. Orfografııany durys túsinbegender bar», dep habarlady fılm rejısseri Djýnı Okabe óziniń Týıtter paraqshasynda. Onyń aıtýynsha, Killgis ataýy 1971 jylǵy balalarǵa arnalǵan baǵdarlama avtorlary qurǵan ózge planetalyq keıipkerdiń ataýy.
The alien, KILLGIS, who appeared in the 1971 broadcasting child program "Silver mask" is a coined word made by the original creator. https://t.co/8vxLjMgwj0
— 岡部 淳也 (@JunyaOkabe) October 27, 2017
«キルギス» jazylatyn Killgis ben Kyrgyz sózderi japonsha – kırgısý dep dybystalady. Durysynda bógde ǵalamsharlyqtardy Kyrgyz emes, Killgis dep ataǵan», dep jazady Kloop.kg redaksııasy.
Brave Storm fılmi ýaqytqa sapar shegý, qorshaǵan ortany jalmaý, ózge ǵalamshar ıeleriniń basyp kirý sııaqty ǵylymı-fantastıka janrynyń barlyq elementin jınaqtaǵan. Fılmdegi bir sátte jaý shebindegi barlaýshy olar basyp almaǵan kúnde de, jerdegi zorlyq-zombylyqtyń kesiren kúnderdiń kúninde adamdar ózderiniń túbine jetetindigi aıtylyp qalady.
Fılm rejısseri Djýnı Okabe, bul – rejıserdiń debıýttik jumysy. Fılmge japondyq tanymal juldyzdar – Hısashı Ioshızava, Sıýnsýke Daıto, Tıhıro Iаmamoto, Shý Vatanabe, Iýkı Masýzakı túsken. Kartına bıýdjeti 20 mln AQSh dollary, uzaqtyǵy – 84 mınýt.
Aıa О́MIRTAI,
«Egemen Qazaqstan»