Qazaqstannyń latyn álipbıine kóshetinine oraı bir top zııaly qaýym ókiliniń qoldaý pikirlerin jarııalap otyrmyz.
Sábıt ORAZBAEV, Qazaqstannyń halyq ártisi
Eń basynan bastap latyn álipbıine ótýdi qoldadym. Alaıda bir úreı boldy, bul prosess kópke sozylyp ketpeı me degen. Búgin aldaǵy ýaqytta biz jumys istep, bilim alatyn álipbıdiń nusqasyn bekitti degende óte qatty qýandym. Kópke sozbaı, jumysty jınaqylyqpen júrgizgenderine rızamyn.
Álem elderiniń 70%-y latyn álipbıin qoldanyp, jetistikke jetip jatyr. Biz nege kóshten qalýymyz kerek. Negizinde meniń jáne basqa da zamandastarymnyń týý týraly kýáligi, alǵashqy oqyǵan kitaptary latyn álipbıinde jazylǵan bolatyn. Sondyqtan aǵa býyn ókilderine de latyn qarpimen jazyp, oqý qıyndyq týdyrmas.
Shómishbaı SARIEV, aqyn, Qazaqstannyń eńbek sińirgen qaıratkeri
Bul taqyrypqa baılanysty bizdiń ujymda, ıaǵnı M.Áýezov atyndaǵy Ádebıet jáne óner ınstıtýtynda mıtıng uıymdastyryldy. Instıtýt dırektory Ýálıhan Qalıjanuly sóz sóıledi, men óleń oqydym, taǵy birneshe ǵalymdar, sonyń ishinde Erkin Ǵalymov degen jas ǵalym pikirimen bólisti. Latyn qarpine kóshý – bul jańa qubylys, jańa bir dáýirdiń bastalǵandyǵy. Biz latyn qarpin buryn da qoldanǵanbyz, biraq sol kezdegi ımperııanyń kúshteýimen kırıllısaǵa óttik. Endi, mine, táýelsizdigimizdiń tusynda álemdik tilmen úndesýimizdi qoldaımyz. Bul qazaq halqynyń óz úni, óz daýysy, óz dybysy bar ekendigin bildiredi. Latyn álipbıi – bul ǵasyrlar boıy qalyptasqan, ómirlik tájirıbesi bar álipbı. Sondyqtan Elbasynyń bul bastamasyn aqyn retinde, azamat retinde qoldaımyn.
Ýálıhan QALIJANOV, M.Áýezov atyndaǵy Ádebıet jáne óner ınstıtýtynyń dırektory
Biz Elbasynyń qazaq álipbıin latyn qarpine kóshirý nusqasyna qol qoıǵanynan keıin, bir kúnniń ishinde mıtıng ótkizip, qoldaý bildirdik. Men buǵan deıin de, 20 qazan kúni «Ult álipbıi» degen taqyrypta «Egemen Qazaqstan» gazetine maqala jarııalaǵan bolatynmyn. Biz, M. Áýezov atyndaǵy Ádebıet jáne óner ınstıtýty Elbasynyń bul bastamasyn ujym bolyp qoldaımyz.
Islam BAIRAMÝKOV, Olımpııa oıyndarynyń kúmis júldegeri
Elbasynyń búgingi latyn qarpindegi jańa álipbıdi bekitý týraly Jarlyǵyn, ondaǵy Úkimetke berilgen tapsyrmamen tanysyp, qýanyp qaldym. Jalpy bul ózgeristi tolyǵymen qoldaımyn. Elimizge kerek nárse dep sanaımyn jáne bul bastama keleshek urpaq úshin óte mańyzdy. Tarıhty zertteý úshin, ǵylym men kórkemónerdi damytý maqsatynda kóp kómek bolatyny anyq. Sonymen qatar bilim alýda da jeńildikter bolady dep oılaımyn. Mysaly Ázerbaıjan, Túrkııa elderi esh qıyndyqsyz osyǵan ótti. Shetelden kelgen qonaqtarǵa da latyn álipbıinde jazylǵan kóshelerdi, mekenjaılardy oqý, olarmen pikir almasý óte ońaı bolady.
ALMATY