Elimizde zańsyz turyp jatqan sheteldikter áli de azaımaı tur. Sózimizdiń dáleli retinde, jaqynda ǵana ótken «Mıgrant» jedel-aldyn alý arnaıy operasııasy barysynda 260 sheteldiktiń Aqmola oblysynda eshqandaı ruqsat qujattarynsyz turyp jatqandyǵynyń anyqtalǵanyn aıtýǵa bolady. О́zderin erkin sezingen olar tipti sottyń shyǵarǵan úkimin oryndaýdy da nazardan shyǵara bastaǵandaı.
Sózimiz dáleldi bolý úshin ústimizdegi jyldyń 2 qazanynda júrgizilgen arnaıy operasııasy barysynda 24 jastaǵy О́zbekstan azamaty qolǵa túskendigin mysalǵa keltire keteıik. Polısııa qyzmetkerleri onyń Qostanaı oblysy Uzynkól aýdandyq sotynyń elimiz aýmaǵynan shyǵarý týraly sheshimin oryndamaı, bir jyldan beri polısııa qyzmetkerlerinen boı tasalap kelgendigin anyqtady. 2016 jyldyń qarashasynda Qazaqstan aýmaǵynan shyǵýy tıis álgi sheteldik azamat elimizde zańsyz turyp kelipti. Ony Selınograd aýdany Qosshy poselkesinde qolǵa túsirý múmkin bolypty. Qazir zańsyz turyp kelgen sheteldik azamattyń ústinen QK 393-shi baby (elden shyǵarý sheshimin oryndamaý) boıynsha sotqa deıingi tergeý amaldary júrgizilýde. Endi О́zbekstan azamatyna 300 aılyq eseptik kórsetkish kóleminde aıyppul salynyp, Qazaqstan Respýblıkasy aýmaǵynan shyǵarylatyn bolady. Taǵy bir faktini keltire ketken jón. Polısııa qyzmetkerleri turǵylyqty jerine turaqty tirkelgen Qyrǵyzstan azamatynyń qujattary qoldan jasatyp alǵandyǵyn ashyp berdi. QK 394-baby 1-tarmaǵy boıynsha (zańsyz mıgrasııa uıymdastyrý) qozǵalǵan qylmystyq is sheńberinde polısııa atalǵan faktini jan jaqty saralaýda.
Osylaısha óńirde «Nelegal-2017», «Mıgrant» jáne ózge de arnaıy operasııalar ótkizilip, zańsyz turyp jatqan sheteldikterdi anyqtaý jalǵasyp keledi. Onyń barysynda arnaıy reıdter jasalyp, jedel-izdestirý sharalary ótkizilýde. Kúsheıtilgen rejimde tek mıgrasııalyq polısııa ǵana emes, sonymen birge ózge de qurylymdardyń qyzmetkerleri jumyldyrylýda. Máselen, «Mıgrant» arnaıy operasııasy barysynda 400 tarta quqyq qorǵaýshy qurylys nysandaryn, bazar aınalasy men ózge de saýda núktelerin qadaǵalady. Tipti kún saıyn 100 jedel top jumys istedi dese de bolady. Sonyń barysynda joǵaryda atap ótkenimizdeı, tek eki táýlik ishinde 474 mıgrasııalyq zańdy buzý faktisi tirkelgen. Sonyń ishinde turǵylyqty jerine turaqty tirkelmegen jáne jeke kýáligi joq 160 qazaqstandyq azamat jáne sheteldikterdi jumysqa shaqyrtyp alyp arnaıy tirketpegen 40 azamat jaýapkershilikke tartylyp otyr.
Sheteldik jumys kúshin zańsyz paıdalaný isi boıynsha 11 jumys berýshi ústinen hattama toltyrylyp, sheteldikterdi elimiz aýmaǵynan shyǵarý týraly 8 sot aktisi kúshine endi. Budan basqa, mıgrasııalyq zaǵdylyqty saqtamaǵany úshin 260 sheteldik jaýapkershilikke tartylsa, sonymen birge 55 sheteldiktiń elimiz aýmaǵynda turý merzimi qysqartyldy.
Sondaı-aq polısııa qyzmetkerleri 4 alıment tólemeýshini jáne qaryzy bar 3 azamattyń qaı jerde jasyrynyp kelgendikterin anyqtaǵan. Qalaı degenmen de arnaıy operasııalar óziniń tıimdiligin dáleldep berdi. Sondyqtan da bundaı jedel-izdestirý jáne jedel-aldyn alý operasııalary jıi ótkizilip turatyn bolady. Bul óz kezeginde óńirdegi krımınogendik jaǵdaıdyń turaqty bolýyna jáne qylmystyń aldyn alýǵa ózindik oń yqpalyn tıgizetini aıtpasa da túsinikti.
Asqar TURAPBAIULY, «Egemen Qazaqstan»
Aqmola oblysy