Atyraýda aqyn Qoıshyǵul Jylqyshıevtiń shyǵarmashylyq keshi ótti

«Qaı qazaqtan kem edim?» dep atal­ǵan kesh ádebı-sazdy kompozısııamen bas­taldy. Aqyn júrip ótken jol, taý­qymeti men tańǵajaıyby toly ǵumyry arqaý bolǵan qoıylym kórermen kóńi­linen shyqty. Sharaǵa qatysqan oblys ákimi Nurlan Noǵaev: «Qoıshyǵul О́mir­ulynyń halyqqa, elge qyzmet kór­setýdegi adaldyǵy, azamattyǵy bólek. Ony bar bilgenin, jıǵan-ter­genin ortaǵa tógip tastaıtyn keńpeıil azamat retinde bilemin. Mahambet shyǵarmashylyǵyn nasıhattaýǵa zor eńbek sińirdińiz. Mahambettiń basyna kelgen qıynshylyǵy emes, ataq-aby­roıy, halyqtyń súıispenshiligi, ys­tyq yqylasy darysyn sizge», – degen lebizin aıtty.

 Mádenıet qaıratkeri Qaırat Qul­mu­hambet, tarıhshy Jamalı Dıhan, Batys Qazaqstan oblysyndaǵy Qa­dyr Myrza Áli atyndaǵy mádenı ortalyqtyń basshysy Baýyrjan Ha­lıol­la, «Farıza juldyzdary» jas aqyn­dar klýbynyń jetekshisi Álııa Dáýletbaeva sóz alyp, Elbasynyń «Rýhanı jańǵyrý» baǵdarlamasy aıasynda uıymdastyrylǵan sharanyń ma­ńyzyna toqtaldy, kesh ıesiniń aqyndyq, azamattyq qasıetteri jaıly áńgimeledi.

Qoıshyǵul Jylqyshıev búginde Qazaqstan Jazýshylar odaǵy Atyraý ob­­lystyq bólimshesin basqarady. Aı­maq­taǵy qalamgerler qaýymynyń qol­daý­­­­­shysy retinde mádenıet pen óner­diń da­mýyna úles qosyp kele jatqan aqyn keshi naǵyz óleńniń merekesi is­petti boldy.

Baqytgúl BABASh, «Egemen Qazaqstan»

ATYRAÝ