Ǵabıdýlla Ábdirahymov «Nur Otan» partııasynyń hatshysy bolyp taǵaıyndaldy
Búgin «Nur Otan» partııasynyń tóraǵasy Nursultan Nazarbaevtyń kelisimi boıynsha partııa tóraǵasynyń birinshi orynbasary Muhtar Qul-Muhammed Ortalyq apparat ujymyna partııanyń jańa hatshysy Ǵabıdolla Ábdirahymovty tanystyrdy.
Al Zaýytbek Turysbekov basqa qyzmetke aýysýyna baılanysty atalǵan qyzmetten bosatyldy.
Muhtar Qul-Muhammed Z.Turysbekovke partııa qataryndaǵy tıimdi eńbegi úshin rızashylyǵyn bildirip, jańa Dúnıejúzi qazaqtary qaýymdastyǵy tóraǵasynyń birinshi orynbasary qyzmetine tabys tiledi. Zaýytbek Qaýysbekuly atalǵan qyzmetke osy jyldyń maýsym aıynda taǵaıyndalǵan bolatyn.
Ábdirahymov Ǵabıdolla Rahmatollauly 1975 jyly 23 qańtarda Ońtústik Qazaqstan oblysynda týǵan.
Ekonomıst jáne memlekettik ákimshiliktik basqarý mamandyqtary boıynsha joǵary bilim alǵan. Qazaq, orys, nemis jáne aǵylshyn tilderin jetik meńgergen.
Ár jyldary jaýapty basshylyq qyzmetterde boldy. Atap aıtqanda, Memlekettik qyzmet isteri agenttiginiń tóraǵasy, Básekelestikti qorǵaý agenttiginiń tóraǵasy, Premer-mınıstr Keńsesiniń jetekshisi, Prezıdent Ákimshiligi basshysynyń orynbasary qyzmetterin abyroımen atqardy. Ǵ.Ábdirahymov «Nur Otan» partııasynyń hatshysy qyzmetine deıin Shymkent qalasynyń ákimi boldy.