1 qańtardan bastap eń tómengi kúnkóris deńgeıiniń qurylymy da ózgeredi. Búgingi kúngi mólsher – 24 459 teńge. Zeınataqy júıesine engiziletin ózgerister týraly QR Eńbek jáne halyqty áleýmettik qorǵaý vıse-mınıstri Svetlana Jaqypova aıtyp berdi.
Qurylymnyń ózgerýi onyń mólsherin 16 paıyzǵa arttyrýǵa múmkindik beredi. Eske sala keteıik, qazirgi tańda azyq-túlik sebetiniń ishki arasalmaǵy 60-ta 40 paıyz. 2018 jyldyń 1 qańtarynan bastap, munda azyq-túlikke jatpaıtyn bólik ulǵaıtylyp, sáıkesinshe 55-te 45 paıyz bolady. Nátıjesinde, keler jyldyń 1 qańtarynan bastap tómengi kúnkóris deńgeıiniń mólsheri – 28 284 teńge bolady.
Vıse-mınıstrdiń aıtýynsha, barlyq ýaqytta jınaqtalǵan zeınetaqy tólemderi ınflıasııa deńgeıinen 2 paıyz artyǵymen tólenip otyrady. «О́tken jyldary resmı statıstıka boıynsha, ınflıasııa deńgeıi 7 paıyz bolsa, biz zeınetaqy kóleminiń ındeksasııasyn 9 paıyzben eseptedik».
Jalpy alǵanda, jańa júıe engizilgende qoǵamda «qansha kóp eńbek etseń, sonsha kóp zeınetaqy alasyń» degen uǵym qalyptasady.