Ulybrıtanııa ulttyq pavılonynyń komıssary Charlz Hendrı «Astana EKSPO-2017» UK» AQ Basqarma Tóraǵasy Ahmetjan Esimovtiń atyna alǵys hat joldady. Komıssar Kórmege kelýshilerdiń Ulybrıtanııa pavılony týraly oń pikiri qalyptasqandyǵyn atap ótti.
«EKSPO-2017 kórmesin Joǵary Mártebeli Hanzada Gloster Gersogy, London qalasynyń lord-meri jáne eki mınıstr de tamashalady. Bul óz kezeginde Ulybrıtanııa Úkimetiniń EKSPO kórmesine qatysýymyzdy maquldap, qoldaý kórsetkeniniń belgisi. HKB pavılonymyzdy Kórmeniń eń úzdik pavılondarynyń biri dep tanyǵany - biz úshin úlken qurmet. Qazaqstan Úkimeti úshin EKSPO-2017 úlken jetistikke aınaldy», - dep atap ótti Charlz Hendrı hatta.
Hatta kórme taqyryby tolyq ashylǵandyǵy atap ótildi. Búgingi kúni aýqymdy is-shara sátti aıaqtalǵannan keıin, Charlz Hendrı Ahmetjan Esimovti kórmeni tabysty jáne nátıjeli ótkizýmen quttyqtady.
Sondaı-aq, Qazaqstan Respýblıkasynyń Chehııa Respýblıkasyndaǵy jáne Slovakııa Respýblıkasyndaǵy Tótenshe jáne О́kiletti Elshisi Serjan Ábdikárimov Ahmetjan Esimovke Kórme aıasynda iskerlik kezdesýler, konferensııalar men dóńgelek ústelder ótkizýde qoldaý kórsetkeni úshin alǵys hat joldady.
«Bul is-sharalar elimizdiń aldaǵy ýaqytta Slovakııa Respýblıkasy jáne Chehııa Respýblıkasy tarapymen saıası, saýda-ekonomıkalyq jáne ınvestısııalyq salalarda yntymaqtastyǵymyzdyń damýyna eleýli serpin berdi», - dep jazylǵan hatta.