Nıý-Iorktegi terrakt kezinde zardap shekkenderdiń arasynda Qazaqstan azamattary joq. Bul jaıynda elimizdiń Syrtqy ister mınıstrliginiń baspasóz hatshysy Ənýar Jaınaqov Feısbýktegi paraqshasynda málimdedi.
«Osy ýaqytqa deıingi məlimetterge səıkes Nıý-Iork qalasynda júk kóliginiń bir top jaıaý júrginshini basyp ketýinen qaza tapqandardyń jáne zardap shekkenderdiń arasynda Qazaqstan azamattary joq. Qazaqstandyq dıplomattar osy ahýaldy baqylaýdy jalǵastyrýda», - dep jazdy Jaınaqov.
Eske sala ketsek, Nıý-Iorktiń Manhetten aýdanynda avtokólik velosıped jolyndaǵy jolaýshylardy qaǵyp ketip, oq jaýdyrdy. Resmı málimet boıynsha, 6 adam oqıǵa ornynda, 2 adam aýrýhanada qaıtys bolǵan. 11 adam asa aýyr halde aýrýhanaǵa jetkizilgen. Nıý-Iork meri Bıll de Blazıo jýrnalısterge bergen suhbatynda «Bul, sózsiz, qarapaıym, esh jazyǵy joq adamdarǵa qarsy terrorlyq akti», dedi.