Elordada Qazaqstan halqy Assambleıasy Tóraǵasynyń orynbasary – Hatshylyq meńgerýshisi Darhan Myńbaı Eýrazııanyń evreı qaýymdaryn qoldaýǵa baǵyttalǵan ulttyq koalısııanyń atqarýshy dırektory Mark Levınmen kezdesti.
О́zara túsinistik jaǵdaıynda ótken kezdesý barysynda Qazaqstan men evreı qaýymdary arasynda qoǵamdyq kelisimdi qamtamasyz etý, etnosaralyq qatynastar salasyndaǵy saıasatty iske asyrý, qoǵamdyq kelisimdi nyǵaıtýǵa baǵyttalǵan is-sharalardy birlesip uıymdastyrý máseleleri sóz boldy.
QHA Tóraǵasynyń orynbasary meımandardy Assambleıanyń qurylymy týraly áńgimelep, onyń konstıtýsııalyq mártebesi bar organ retinde sanalatynynan da habardar etti. Onyń atap ótýinshe, 2008 jyly «Qazaqstan halqy Assambleıasy týraly» zań qabyldandy. Sondaı-aq Assambleıanyń ǵylymı-saraptamalyq keńesi jáne elimizdiń joǵary oqý oryndarynda 33 QHA kafedralary jumys isteıdi. «Búginde 1338 etnomádenı birlestik qyzmet etip keledi, olardyń 29-y respýblıkalyq deńgeıdegi birlestikter, – dedi D.Myńbaı. – «Dostyq» úıleri jáne ulttyq teatrlar da jumys isteýde. Onyń úsheýi akademııalyq teatrlar. Osynyń barlyǵy Prezıdentimiz N.Á.Nazarbaevtyń etnosaralyq jáne konfessııaaralyq yntymaq pen tatýlyqqa erekshe kóńil bóletinin bildiredi».
M.Levın aldymen ózi jetekshilik etetin qurylymnyń qyzmetimen tanystyrdy. Onyń aıtýynsha, bul ulttyq koalısııa KSRO taraǵannan soń óz táýelsizdigin alǵan elderde jáne Shyǵys Eýropa memleketterinde turatyn evreı qaýymdaryna qoldaý kórsetýmen aınalysady. Búginde olardyń kópshiligimen baılanys ornatqan. «Qazaqstandaǵy evreı qaýymdary Prezıdent, sondaı-aq Qazaqstan halqy Assambleıasy tarapynan naqty qoldaýǵa ıe bolyp otyrǵanyn kórip otyrmyz», dedi M.Levın.
Álısultan QULANBAI, «Egemen Qazaqstan»
Sýretti túsirgen Orynbaı BALMURAT, «Egemen Qazaqstan»