Jer qoınaýyn ıgerýshi kompanııa retinde «Embimunaıgaz» aksıonerlik qoǵamy – munaıly óńirdiń áleýmettik-ekonomıkalyq damýyna úlken úles qosyp kele jatqan otandyq kásiporynnyń biri.
Kompanııa jer qoınaýyn paıdalaný jónindegi kelisimsharttyń talabyna saı, 2017 jyly Atyraý oblysynyń áleýmettik ınfraqurylymyn damytý jáne qazaqstandyq mamandardy oqytý baǵytyndaǵy óz mindetin tolyqtaı oryndap otyr.
Kompanııa aýdandarǵa uıymdastyrǵan medıa-týrdyń maqsaty da nátıjesin tapqan jumystardy jurtshylyqqa keńinen jetkizý.
Qyzylqoǵa aýdany3 kúnge josparlanǵan medıa-týrdyń alǵashqy kúni Qyzylqoǵa aýdanyndaǵy iri aýyldardyń biri – Saǵyz selosynan bastaldy. «Embimunaıgaz» AQ 7 650 halyq turatyn Saǵyz selosyndaǵy 2 páterli 4 úıdiń qurylysyna qarjylaı kómek kórsetti. Jańa baspanalar áleýmettik jaǵynan az qamtylǵan otbasylarǵa, kóp balaly otbasylarǵa, múmkindigi shekteýli jandarǵa, sonymen qatar úı kezeginde birneshe jyl turǵan aýyl turǵyndaryna berildi. Solardyń biri – 73 jastaǵy keıýana Arý Shelteýova bylaı deıdi:
– Ulym men kelinim aıaqastynan qaıtys boldy. Artynda kámelet jasqa tolmaǵan jeti bala qaldy. Nemerelerimmen birge birneshe jyl qatarynan eski úıde turdyq. Oblysta qatty nóser jaýyn bolǵanyn bilesizder, sol tolastamaı jaýǵan jaýynnan eski baspanamyz turýǵa múldem jaramsyz bolyp qaldy. Jaratqanymyz tilegimizdi estip, mine, «Embimunaıgaz» ujymy demeýshilik etip osyndaı sý jańa páterge qol jetkizdik. Embilik munaıshylarǵa biz sııaqty qarapaıym adamdardyń jaǵdaıyn oılap, osyndaı tamasha páter salyp bergenderi úshin myń alǵys!
Oblys ortalyǵynan shalǵaıda ornalasqan Tasshaǵyl aýylyn da «Embimunaıgaz» AQ nazardan tys qaldyrmady.
Bul aýylda 100 oryndyq «Jazıra» bóbekjaı balabaqshasy salynǵan. Osy aýyldyń burynǵy balabaqshasy eski, tar, nebári 13 oryndyq bolǵan eken. Jańa balabaqsha tolyq jabdyqtalǵan, oıyn jáne sport bólmeleri, jatyn jáne as úı bólmelerimen qamtylǵan. Al osy balabaqshanyń jas mamany, dene tárbıesi nusqaýshysy bolyp qyzmet atqaratyn Altynbek Berikbaıuly balabaqsha ashylǵanǵa deıin vahtalyq ádispen mamandyǵyna esh qatysy joq qyzmette bolǵan. Balabaqsha ashylǵan soń týǵan aýylynda mamandyǵy boıynsha jumys tapqan. Ata-analar da balalarynyń zaman talabyna saı keletin balabaqshada tárbıelenip jatqanyna dán rıza.
Sonymen qatar osy aýylda eki páterli bir úıdiń qurylysy jaqynda aıaqtalyp, paıdalanýǵa berilgen. Qazir osy úılerde tárbıesinde múgedek balasy bar otbasy men jergilikti ýchaskelik ınspektor qonystanǵan.
Maqat aýdanyPress-týrdyń kelesi aıaldamasy Maqat aýdany Dossor poselkesi boldy. Bul poselkege «Embimunaıgaz» AQ qarajatyna 300 oryndyq jańa mektep salyndy. O.Sarǵunanov atyndaǵy mekteptiń burynǵy ǵımaraty 1964 jyly salynyp, búginde tozyǵy jetken. Jańa mekteptiń qurylysy tolyǵymen aıaqtalyp, 2017 jyldyń qańtar aıynda paıdalanýǵa berilgen. Tek orys tilinde bilim beretin mektep jańa zamanǵy qurylǵylarmen, ınteraktıvti taqtaly synyptarmen, keń akt zalymen qatar túrli pán jáne úıirme synyptarymen jabdyqtalǵan. Sonymen qatar mektepaldy daıarlyq toby da jumys isteıdi.
Isataı aýdanyIsataı aýdanynyń birneshe eldi mekenderindegi áleýmettik qurylystarǵa kompanııa demeýshilik etip keledi. Tushyqudyq aýylyndaǵy «Qulynshaq» balalar baqshasyna qosymsha 50 oryndy japsarjaı (prıstroıka) salyndy. Bul japsarjaıdyń arqasynda balalarǵa jańadan jatyn bólmeler men oıynjaılar berilip, Atyraý oblysynda teńdesi joq Montessorı synyby ashylǵan. Bul synyptyń ereksheligi – til múkistigi bar balalarǵa saýsaq ushy jattyǵýlary men oıyndary arqyly til múkistigin joıýǵa múmkindik beredi.
Sońǵy aıaldama Janbaı selosy boldy. Bul selodaǵy 200 oryndyq mádenıet úı Kompanııanyń qarajatyna salynǵan. Eki qatarly ásem ǵımaratta demalys kúnderi balalarǵa mýltfılmder men kórkem fılmder kórsetilse, sabaqtan tys ýaqytta túrli úıirmeler jumys isteıdi. Mádenıet úıi basshylyǵynyń aıtýynsha, bolashaqta ózge úıirmeler, sport seksııalary men ájeler ansamblin qurý josparda bar eken.
«Embimunaıgazdyń» ıgi isteri jalǵasyn tappaqKompanııa AQ retinde qurylǵan 2012 jyldan búgingi kúnge deıin Atyraý oblysynyń ınfraqurylymyn damytýǵa shamamen 2,3 mlrd teńge, respýblıkalyq jáne jergilikti bıýdjetke salyq esebinde 654 mlrd teńge jáne demeýshilik pen qaıyrymdylyq retinde 2 mlrd qarajat bóldi, dedi BAQ ókilderine uıymdastyrǵan úshkúndik press-týr aıasynda basqarma tóraǵasynyń ekonomıka jáne qarjy jónindegi orynbasary Rysty Tasmaǵambetova.
Kompanııa munaıly óńirlerdiń ınfraqurylymynyń damýyna úles qosýmen qatar, kelisimshart mindettemelerine sáıkes qazaqstandyq mamandardy qaıta daıarlaýǵa jáne qazaqstandyq stýdentterdiń joǵary jáne arnaýly orta oqý oryndarynda bilim alýlaryna qarajat bólip otyr. Qazaqstandyq stýdentterdi daıyndaý baǵdarlamasy:
- stýdentterdiń oqý aqysyn tóleý;
- dýaldy oqý baǵdarlamasy;
- stıpendııa tóleý baǵdarlamasy;
- stýdentterdiń óndiristik praktıkadan ótýi baǵyttary boıynsha júzege asýda.
Stýdentterdiń oqý aqysyn tóleý baǵdarlamasy boıynsha sońǵy 4 jylda 780 stýdenttiń oqý aqysy tólendi.
Bul oraıda eskeretinimiz, stýdentter qatarynyń azaıa túsýi oqý aqysynyń jyl sanap ósýine baılanysty túsindiriledi.
Dýaldy oqý baǵdarlamasy boıynsha Atyraý munaı-gaz ýnıversıtetimen jáne APEC Petrotechnic Joǵary kolledjimen áriptestik baılanys ornatylǵan. Atalmysh oqý oryndarynyń 69 stýdenti baǵdarlamaǵa qatysty.
Stıpendııa tóleý baǵdarlamasy boıynsha APEC Petrotechnic Joǵary kolledjiniń 5 stýdenti baǵdarlamaǵa qatysty.
Stýdentterdiń óndiristik praktıkadan ótý baǵdarlamasy boıynsha qazaqstandyq 2 joǵary oqý ornymen jáne 5 kolledjben baılanys ornatylǵan. 2014 jyldan beri 748 stýdent Embi ken alańdarynda óndiristik tájirıbeden ótti.
2016 jyly «Embimunaıgaz» AQ tarapynan úlken kómekke ıe bolǵandardyń biri Atyraý munaı jáne gaz ýnıversıtetiniń stýdenti Nurbek Sákembaı bylaı deıdi:
– Qazirgi tańda «avtomattandyrý jáne basqarý» mamandyǵynyń 3-kýrs stýdentimin. Úıimizde munaıshy bolmasa da «Embimunaıgaz» AQ oqý aqymdy tólep berdi. Bul men úshin úlken qýanysh bolsa, otbasym úshin úlken kómek.
Farhat ÁBILOV