Tokıo ortalyq kitaphanasynda Qazaqstan ádebıeti jáne mádenıeti ortalyǵy ashyldy

Aıtýly is-sharaǵa Qazaqstan Respýblıkasynyń Japonııadaǵy Tótenshe jáne ókiletti elshisi Erlan Baýdarbek-Qojataev, Astana qalasyndaǵy Ulttyq akademııa­lyq kitaphananyń basshysy Úmit­han Muńalbaeva, fılosofııa ǵy­lym­­­darynyń doktory, akademık Ǵa­rıfolla Esim, «Juldyz» áde­­b­ı-kórkem jýr­nalynyń bas re­dak­­tory Ulyq­bek Esdáýlet, fılo­­l­o­gııa ǵylym­darynyń doktory Tur­syn Jurt­baı, fılologııa ǵylym­dary­nyń kandıdaty, Eýra­zııa ul­ttyq ýnı­ver­sıteti­niń do­senti Ońaıgúl Tur­jan, Ja­po­nııadaǵy shyǵar­ma­shy­­l­yq zııaly qaýym, Tokıodaǵy qazaq dıas­porasynyń ókilderi qatys­ty.

Tokıolyq oqyrmandar budan bylaı qazaq halqynyń salt-dástúri, mádenıeti, ónerimen óz kitap­ha­nalaryndaǵy ortalyq ar­qy­ly jaqyn tanysa alady. Or­ta­lyqta Prezıdent Nursultan Nazarbaevtyń álemdik saıası arena­­daǵy orny men róline arnal­­ǵan kitaptar, Prezıdenttiń avtor­lyǵymen jaryq kórgen eńbekteri, tarıh, ǵylymı-kópshilik jáne kórkem ádebıet kitaptary qoıyl­maq. Elimiz tarapynan Tokıo orta­lyq kitaphanasyna barlyǵy 200-ge jýyq kitap tapsyryldy.

Qazaqstan ádebıeti men máde­nıeti ortalyǵy Mádenıet jáne sport mınıstrligi, Syrtqy ister mınıstr­ligi, Qazaqstannyń Ja­po­nııa­daǵy elshiliginiń yqpal­dasýy­men ashyldy.

Tokıo ortalyq kitaphanasy 1973 jyly Tokıo astanalyq kitap­hanasy retinde qurylǵan. Onyń qorynda 1,98 mıllıonǵa jýyq kitap, 6000 jýrnal men gazet, ár­túrli aýdıovızýal­dy jáne sırek qu­jat­­t­ar (Ukiyo-e men Edo munara­sy­nyń ar­hıtektýralyq eskızderi) bar. Sony­men qatar Ort­alyq kitap­­hana Tokıodaǵy qoǵam­dyq kitap­­hana­lar­dyń arasyn­da shetel áde­bıeti­niń aıryqsha kol­lek­sııa­laryn saq­taǵan. Bul kol­lek­sııa Orta­lyq kitap­hanada bar jalpy qordyń onnan bir bóligin quraıdy.

«Egemen-aqparat»