Qalada lıfterdi aýystyrý jumystary jalǵasýda dep habarlaıdy elorda ákimdiginiń medıa ortalyǵy.
Lıfterdi jóndeý jáne jańa lıfterdi ornatý jumystary Jırentaev kóshesindegi (14, 20/1, 22/2), Jumabaev dańǵylyndaǵy (1), Kúmisbekov kóshesindegi (6), Qajymuqan kóshesindegi (26, 28), Abylaıhan dańǵylyndaǵy (47,49) úılerde bastaldy. Jyl sońyna deıin atalǵan úılerde eski lıfter jańasyna óńirlerdi damytý baǵdarlamasy boıynsha aýystyrylatyn bolady.
Atalǵan úılerdiń turǵyndary memleketten kómekaqy alyp, lıfterdi aýystyrypty. Dál osylaı úıindegi lıfterdi aýystyrýdy qalaıtyn qalalyqtar qujattardy «О́rken qala» baǵdarlamasynyń operatory bolyp tabylatyn kompanııaǵa joldaýy qajet. Budan keıin kelisim jasalyp, merdiger tańdalady. Úrdis tolyǵymen turǵyndardyń baqylaýynda júzege asady. Kómek qaryz 15 jylǵa alynsa, ortasha eseppen ár páter (aýdanyna baılanysty) 2 myń teńgeden tóleıdi.
Jyl sońyna deıin atalmysh baǵdarlama boıynsha Astanada 63 lıft aýystyrylatyn bolady.
Budan bólek, qazirgi tańda elordadaǵy 5 turǵyn úıde 19 lıft paıdalanýǵa berildi (Dúkenuly kóshesi 38 («Shańyraq» TK, 8 lıft), Saryarqa kóshesi 41 («Mahabbat 1» TK, «Mahabbat 2» TK, 10 lıft), B. Momyshuly kóshesi 16 (4 lıft), Keńesary kóshesi 65 («Edem Palas» TK, 1 lıft).. Qarasha aıynyń sońyna deıin «Mahabbat» TK-de taǵy da 4 lıft jumys istemek. Bul 10, kóp degende 15 jyl buryn turǵyzylǵan úıler.
Merdigerlerdiń problemalaryn, kóptegen shaǵymdardy, turǵyndarǵa tóngen qaýipti, kótergishterdiń apattyq jaǵdaıyn eskere otyryp, Astana ákimdigi lıfterdi aýystyrý isine qoldaý kórsetti.
Esterińizge sala keteıik, aǵymdaǵy jyldyń kókteminde Astana ákimi Áset Isekeshev qalanyń lıft sharýashylyqtarynyń barlyǵyn tekserip, bul baǵyttaǵy jumystardy retke keltirý boıynsha keshendi sharalardy qolǵa alýdy júktegen bolatyn. Qazirgi tańda Astanada 6577 lıft tirkelgen. Olardyń 4879-y turǵyn úılerde, 1728-i ákimshilik ǵımarattarda ornalasqan.