Elbasy Nursultan Nazarbaev tóraǵalyq etetin Qazaqstan halqy Assambleıasy respýblıkada beıbitshilik pen kelisimdi nyǵaıtý maqsatynda óz bastamasymen qurylǵan biregeı ınstıtýt.
QHA Memleket basshysynyń baǵytyn qoldap, elimizde turaqtylyqty saqtaý maqsatynda tıimdi jumys istep keledi. Halyqtar birliginiń qazaqstandyq modeli – kóptegen shet memleketterge úlgi bolarlyq ári respýblıkanyń damýyna bastaıtyn erekshe bastama.
Prezıdentimiz tańdaǵan baǵyt tamyry tereńge jaıylǵan tarıhymyz ben halqymyzdyń ótkenin zamanaýı jaǵdaıǵa beıimdeı otyra, elimizdi qaryshtata damytyp keledi. Nursultan Nazarbaev ózi jasaǵan sheshimder men bastamalardy árdaıym aqylǵa salyp otyrady. «Bolashaqqa baǵdar: rýhanı jańǵyrý» maqalasynda ol rýhanı jáne mádenı qundylyqtarymyzdy saqtaý men damytýdyń erekshelikterin atap kórsetti. Halyqtyń tarıhy jáne mádenıeti saqtalmaǵan jaǵdaıda, onyń zamanaýı jaǵdaıǵa beıimdele almaıtyny belgili. Kóregen tulǵalardy tárbıeleıtin, memlekettiń odan ári damýyna kepil bolatyn másele rýhanı qundylyq ekeni anyq.
Biz, Qazaqstan halqy, Prezıdentimizge senemiz jáne onyń kóregen, syndarly sheshimderi úshin alǵys aıtamyz. Elbasynyń sarabdal saıasatynyń nátıjesinde biz búginde beıbit ómir súrip otyrmyz. Tatýlyǵymyz berik. Memleket basshysy anyqtap bergen basymdyqtarǵa súıene otyryp, biz barlyq kúsh-jigerimizdi eldiń damýy úshin jáne ulttyq biregeıligimizdi saqtaý maqsatynda jumyldyramyz.
Tamara ShIRMER, Astana qalalyq «Obereg» ýkraın qoǵamy» QB tóraıymy