Mektepter 2020 jyldan bastap jańa júıege ótedi

Endi ustazdar eńbegine qaraı jalaqy alatyn boldy. Muǵa­lim­niń oqýshymen ótkiz­gen ár saǵaty tólenedi. Ol bilim berý­di jan basyna qarjy­lan­dyrý júıesi arqyly júzege asy­ryl­maq. Bul joba 2012 jyldan bas­tap qolǵa alyndy. Al 2013 jy­ly qanatqaqty joba retinde tań­daýly mektepterde engizile bastady. Qazirgi kezde olardyń sany 73 bilim ordasyn qurap otyr. Jan basyna shaqqandaǵy qarjylandyrý jobasy engizilgen mek­­tepterdiń ishinde Almaty ob­lysy Tal­ǵar qalasyndaǵy №5,14,16,49 mektepteri bar.

Dál osy mektepte Bilim jáne ǵylym vıse-mınıstri Bıbigúl Asy­lovanyń qatysýymen «Orta bilim berýdi jan basyna qar­jylandyrý» jobasynyń tusaý­keseri ótti. Sondaı-aq tanys­tyrylymǵa «Qarjy orta­ly­ǵy» AQ prezıdenti Asqar Ib­ragımov jáne Almaty oblysy Talǵar qalasy mektepteriniń dırektorlary qatysty.

«2020-2021 jyldan bas­tap eldegi barlyq tolyq jab­dyq­talǵan mektepter jan basyna qarjylandyrý júıesine ótedi. Sebebi biz mektepterdegi ádistemeni birizdi etýimiz kerek. Máseleler bolsa, sheshý joldaryn qarastyrý kerek. Sondyqtan Talǵar aýdany mektepteriniń ujymymen kezdesý ótkizip jatyrmyz», dedi vıse-mınıstr Bıbigúl Asylova.

Al jalpy jobany engizýdiń negizgi alǵysharttary mynalar: muǵalimge eńbekaqy tóleýdiń jańa júıesi, ıaǵnı ustazdyń jumys ótiline, kategorııasyna qaramastan onyń barlyq bilim berý qyzmetinde úzdik nátıje­ler kórsetkeni úshin syıaqy tóleý; budan muǵalim óz eńbegi­niń shynaıy baǵalanaty­nyn kóre­di; jan basyna qar­jy­lan­dyrý mektepke jas, daryndy muǵalimderdi tartýǵa múmkindik beredi. Muǵalimderge ózin-ózi damytýǵa múmkindik týady. Sondaı-aq jan basyna qarjylandyrý jobasy engizilgenge deıin sapa jóninde dırektor kúresetin bolsa, endi mektep ákimshiligi de sapany arttyrýǵa atsalysady.

Jobany tanystyrǵan «Qarjy ortalyǵy» AQ prezı­denti Asqar Ibraımovtyń aıtýyn­­sha, bul jobany engizbes bu­­ryn halyqa­ralyq tájirıbe­ler qara­­s­ty­rylǵan.

Sondyqtan muny jańa júıe emes, bilim berýde jasalyp otyrǵan jańa qadam dep ataý kerek. Sebebi bul joba álemde tanymal­dyq­qa ıe. «Jobada muǵalim óziniń eńbekaqysyna baılanysty qan­daı aıyrmashylyq bolǵanyn kóre­di deýge bolady.

Mekteptiń qam­qorshylar keńesi de jumys­qa belsendi kirisip, dırektor­dyń muǵalimder týraly taldaýyna qyzyǵýshylyq tanyta bastady. Tipti mektepter arasynda básekelestik paıda bolady jáne árkim jetistikke jetýge talpynady. Ár muǵalim jańa nátıjege jetýge motıvasııa alady» deıdi Asqar Ibraımov.

Al Talǵar qalasyndaǵy №49 mekteptiń dırektory Almagúl Asanova bolsa alǵashqy jyldary jobany birden bastap ketý qıyn bolǵanyn aıtady. Sebebi alǵashynda mıllıondaǵan qarjy bólingendikten, ony ornymen jumsaý basty mindet bolǵan.

«2013 jyly jospardy oryndaý maqsatynda mekteptegi jetistikter eskerile otyryp, 24 muǵalimge qosymsha yntalandyrý syıaqysy berildi. Buǵan qalǵan muǵalimderdiń de qyzyǵýshylyǵy artty. Sebebi qosymsha qarjy eshkimge artyq bolmaıdy.

Osy­laı ujymdaǵy ustazdardyń shyǵar­mashylyǵy arta bastady», deıdi Almagúl Asanova. Rasymen de oqýshylardyń bilim deńgeıi artyp, túrli olımpıadalar men sport­tyq jarystarda júldeli oryn­darǵa ıe bola bastaǵan. Alǵa­shynda jańashyldyqqa úreı­­men qaraǵan ustazdar jańa joba­nyń tıimdi tusyna ábden kóz jetkizgen.

Gúljazıra SAILAÝOVA