«Jas Otan» Jastar qanatynyń Jambyl oblystyq fılıaly áleýmettiń júgin kóterer «Azamattyq baqylaý» degen jobany júzege asyryp jatyr. Bul Memlekettik qyzmet isteri jáne sybaılas jemqorlyqqa qarsy is-qımyl agenttiginiń Jambyl oblysy boıynsha departamentiniń áleýmettik tapsyrysy boıynsha qolǵa alynyp otyr. Qazirdiń ózinde halyqqa qyzmet kórsetýdiń mamandandyrylǵan ortalyǵynda «qoǵamdyq qabyldaý» bólmeleri ashyldy.
Oblys turǵyndaryna memlekettik qyzmet jáne sybaılas jemqorlyqqa qarsy kúres týraly zańnamalar aıasynda keńester berilip, tıisinshe kómek kórsetildi. Naqtyraq aıtsaq, joba sheńberinde oblys aýmaǵyndaǵy 2000-nan asa turǵynǵa túrli keńester berilgen. Halyqqa qyzmet kórsetý ortalyqtary 3000-daı memlekettik qyzmetterdi kórsetetinin eskersek, qoǵamdyq qabyldaý bólmesiniń ashylǵany sybaılas jemqorlyq faktileriniń azaıýyna birden-bir sebep.
Sonymen qatar, «Azamattyq baqylaýdyń» aıasynda «Jasyryn satyp alýshy», «Taza sessııa», «Parasyz bolashaqqa» aksııalarymen Jambyl oblysyndaǵy barlyq memlekettik mekemeler, emhanalar, oqý oryndary jáne jekemenshik mekemelerin kezdesý, semınarlar ótkizildi.